Ўзбекистон

Мўътабар Тожибоева ташаббус тўғрисида:

Янгийўллик ғаллакорлардан “мустақилликка совға” сўралмоқда

Тошкент вилоятининг асосан ғалла ва сабзавотчиликка ихтисослашган Янгийўл туман ҳокимлиги ғалла мажбуриятини бажарган фермерларни ҳам шартномада кўзда тутилган мажбуриятининг 10 фоизи баробарида қўшимча буғдой топширишга мажбурламоқда. Айтилишича¸ “ватан мустақиллигининг 25 йиллигига туҳфа” деб аталаëтган бу талаб бажарилмаса¸ ҳокимият вакиллари фермернинг ерини тортиб олиш билан таҳдид қилмоқда.

Андижон институтида калтакланган талаба шифохонада ўлди

Озодлик манбаларининг билдиришича¸ 21 яшар Ботир Исмоилов 4 июль куни Андижон қишлоқ хўжалик институти ҳовлисида юзага чиққан муштлашув қурбони бўлган. Айтилишича¸ иккинчи гуруҳ ногирони бўлган 1-курс талабаси Ботир Исмоиловни калтаклаган талабаларга ҳозирча чора кўрилмаган. Институт маъмурияти бундан бехабарлигини билдирди.

"Гўшт базми" қилиб ҳиндлар ғазабига учраган ўзбек Тошкентга қочиб борди

Ҳиндистон шимолидаги Уттар Прадеш штатининг Ҳинд Марказий Институтида (Kendriya Hindi Sansthan) ўқиган ўзбекистонлик талаба маҳаллий аҳоли интиқомидан қўрқиб, Ўзбекистонга қайтишга мажбур бўлди. У икки курсдоши билан бирга тушган ва, гўёки, мол гўштини майдалаб базм қилгани акс этган сурат маҳаллий аҳоли ғазабини қўзғатди.

Каримов фармони билан Тошкентда илк мева-сабзавот ярмаркаси ўтказилади

Ўзбекистон президенти фармони асосида Тошкентда ўтадиган тўрт кунлик ярмаркада бу йил тузилган «Ўзагроэкспорт» ширкати хориж бозорларига ҳозирланаётган маҳсулотларини намойиш қилади. 2016 йил бошидан мамлакатда мева-сабзавот экспортига зўр берилмоқда. Аксар фермерлар мева-сабзавот етиштиришга мажбурланаётганидан шикоят қилмоқда.

“Тошкентга иш излаб боргани учун ўғлимга 400 000 сўм жарима солдилар”

Қорақалпоғистоннинг Хўжайли туманидаги Тахиатош шаҳрида яшовчи 58 яшар Клара Отажонова 1986 йилда туғилган ўғли Бердимурод Хўжаниёзовга Тошкент шаҳар Шайхонтоҳур таман ички ишлар бўлими 400 минг сўм жарима солганидан арз қилди. Клара Отажонованинг айтишича, ўғли Бердимурод шу йилнинг 11 майида Тошкентга иш излаб бориб, 28 майда уйига қайтиб келган. Яқинда эса, Тошкентдан Тахиатошга Бердимуроднинг номига жарима қоғози етиб келган.

Ўзбек ҳарбийлари чегарадаги балиқчи афғонларни тутиб кетмоқда

Афғонистон шимолидаги Балх вилояти Шўртепа ва Калдор туманлари аҳолиси ўзбек чегарачиларини сўнгги пайтларда тобора кўпроқ рейд ўтказиб, афғонистонликларни тутиб кетаётганликда айблади. Гувоҳларга кўра, биргина Шўртепа туманига қарашли 6та қишлоқдан 20 киши Ўзбекистон қамоқхоналарида сақланмоқда. Ўзбекистон Афғонистон билан 137 километрлик умумий чегарага эга.

"Ўзбекнаво" хонанда Тамилага психологга боришни тавсия қилди

"Ўзбекнаво" эстрада концерт бирлашмаси раҳбарияти бир неча "ҳаёсиз" фото ва видеолари билан баҳсларга сабаб бўлган хонанда Тамиланинг (Эсмеральда Раҳматова) лицензиясини бутунлай бекор қилди. Қатор нашрларда бирлашма бош директори Фарҳод Жўраевнинг хонандага саҳнага чиқиш эмас, шифокорга боришни тавсия қилгани ҳақида хабарлар пайдо бўлди.

Маҳалла раислари сайлови натижаси эълон қилинди

Ўзбекистонда 10 мингга яқин маҳалла раиси, 100 мингдан ортиқ маслаҳатчи сайланди. Раисларнинг 50 фоиздан ортиғи илк бор сайланди, яъни йиллар давомида оқсоқоллик постидан тушмаганларнинг ярми қайта сайланмади. Аммо маҳалла фаоллари, гўёки, халқ танлаган янги раислар тизгини ҳануз уларнинг фаолиятини мувофиқлаштириш кенгаши раиси бўлиб қолаётган туман ҳокими қўлида эканини таъкидламоқда.

Маҳалла фаоли: Оқсоқолни эркин сайладик, аммо тизгин ҳануз ҳокимият қўлида