मधेश आन्दोलनको १८ वर्ष : शिक्षा र स्वास्थ्यमा न्यून सुधार, जनस्तरमा छैन बहार

मधेश प्रदेशकी शिक्षामन्त्री रानीकुमारी तिवारीले गरिबी, बेरोजगारी, स्वास्थ्यलगायतका समस्या शिक्षासँगै जोडिए पनि आफ्नै मन्त्रालयको बजेट ६ प्रतिशत मात्र रहेको गुनासो गर्दै आएकी छन् । उनीसँग अर्को गुनासो पनि छ, ‘शिक्षाको गुणस्तर, स्तरोन्नति र अनुकूल वातावरण बनाउन विनियोजित बजेट खर्चिन कर्मचारीले चासो देखाउँदैनन् । बरू, शिक्षाको पूर्वाधारमा राखिएको बजेट खर्च गर्न हौसिन्छन् ।’