1986

Die jaar 1986 was 'n gewone jaar wat volgens die Gregoriaanse kalender op 'n Woensdag begin het. Dit was die 86ste jaar van die 20ste eeu n.C. Soos ander gewone jare het die jaar 12 maande, 52 weke en 365 dae gehad.

Gebeure

• 1 Januarie – Spanje en Portugal betree die Europese gemeenskap, Portugal verlaat die Europese Vryhandelsvereniging.
• 1 Januarie – Aruba verlaat die Nederlandse Antille en word 'n separate deel van die Koninkryk der Nederlande.
• 16 Februarie – Dr. Mario de Soares word verkies as die nuwe president van Portugal.
• 17 Februarie – Die eerste spitsberaad van Franssprekende lande begin in Parys.
• 20 Februarie – Tutor Nyangilizwe Ndamase word as die derde president van Transkei ingehuldig.
• 28 Februarie – Die eerste minister van Swede, Olof Palme, word deur 'n sluipmoordenaar in Stockholm doodgeskiet.
• 24 Maart – Die Hungaroring huisves sy eerste Formule Een Grand Prixwedren.
• 3 April – IBM lewer die eerste notaboekrekenaar, die PC Convertible.
• 26 April – 'n Ongeluk by die Tsjernobil-kernkragstasie in die Oekraïne veroorsaak die ergste kernkragramp tot nog toe. 31 mense sterf as 'n direkte gevolg van die ongeluk en duisende meer word blootgestel aan hoë vlakke van radioaktiwiteit.
• 27 April – John R. MacDougall stuur 'n boodskap op die Home Box Office-kanaal met 'n sterk sein na die Galaxy 1 satelliet.
• 23 Mei – Argentinië verbreek sy diplomatieke betrekkinge met die Republiek van Suid-Afrika.
• 31 Mei-29 Julie – Die 13de FIFA Sokker-Wêreldbekertoernooi word in Meksiko gespeel, wat deur Argentinië gewen word.
• 27 Junie – Die Internasionale regshof vel teen die VSA in Nicaragua vs. Verenigde State van Amerika.
• 8 Julie – Suid-Afrika se Swart Federasie van Kamers van Koophandel (Nafcoc) besluit om die internasionale veldtog teen beleggings in die land te steun.
• 16 Julie – Die Suid-Afrikaanse straalvegter, die Cheetah, word bekend gestel.
• 21 Julie – Die tweede vredesontmoeting tussen Staatspresident PW Botha en aartsbiskop Desmond Tutu vind in Pretoria plaas.
• 24 Julie – Die Statebondspele begin in die Skotse hoofstad Edinburg. Weens die weiering van die Verenigde Koninkryk se Eerste Minister Margaret Thatcher om sanksies teen Suid-Afrika in te stel, boikot 32 van die 58 Statebondlede die spele.
• 29 Julie – Suid-Afrika is die hoofbesprekingspunt by die Organisasie van Afrika-eenheid-beraad, wat in Addis Abeba, Ethiopië begin. – Nadat President Machel sedert die onafhanklikwording van Mosambiek in 1975 as President sowel as Eerste minister gefungeer het, word Mario da Graca Machungo as die land se Eerste premier ingehuldig.
• 2 Augustus – Vier mense sterf ná 'n bomontploffing in 'n slaghuis in Walvisbaai.
• 17 Augustus – Twee landmynontploffings in die Nelspruit-omgewing eis ses menselewens.
• 21 Augustus – Giftige gas ontsnap van die vulkaniese Nyosmeer in Kameroen en meer as 1 700 mense sterf.
• 1 September – Liechtenstein betree die Europese Vryhandelsvereniging.
• 7 September – Die Anglikaanse aartsbiskop, Desmond Tutu, word in Kaapstad ingehuldig.
• 8 September – Die ANC se kantore in Stockholm word deur 'n bomontploffing beskadig.
• 16 September – 177 mynwerkers sterf en sowat 200 word beseer toe 'n brand in die Kinrossmyn, sowat 110 kilometer oos van Johannesburg, uitbreek.
• 30 September – Die Amerikaanse president Ronald Reagan benoem die eerste Swart ambassadeur van die VSA in Suid-Afrika, E.J. Perkins.
• 21 Oktober – Die Marshalleilande word van die Verenigde State van Amerika onafhanklik.
• 3 November – Die Gefedereerde State van Mikronesië word van die Verenigde State van Amerika onafhanklik.
• 11 November – Onthulling van die Delvillebos-museum in Frankryk.

Geboortes

• 14 Maart – Jamie Bell, Engelse akteur.
• 27 Maart – Manuel Neuer, Duitse sokkerspeler (doelwagter).
• 14 Mei – Simon Magakwe, Suid-Afrikaanse naelloper.
• 18 Mei – Kevin Anderson, Suid-Afrikaanse tennisspeler.
• 20 Junie – Robbie Klay, Afrikaanse sanger.
• 1 Julie – Agnes Monica, Indonesiese sangeres en kunstenaar.
• 12 Julie – JP Pietersen, Springbokrugbyspeler.
• 12 September – Emmy Rossum, VSA akteur.
• 14 Oktober – Albert de Wet, Afrikaanse sanger.
• 22 November – Oscar Pistorius, Suid-Afrikaanse Paralimpiese atleet.

Sterftes

• 23 Januarie – Joseph Beuys, Duitse beeldhouer en kunstenaar (* 1921).
• 14 April – Simone de Beauvoir, Franse feministiese skryfster (* 1908).
• 24 April – Wallis Simpson, die Hertogin van Windsor (* 1896).
• 9 Mei – Sherpa Tenzing Norgay (* 1914).
• 14 Junie – Jorge Luis Borges, Argentynse kortverhaalskrywer, essayis, digter, vertaler en bibliotekaris (* 1899).
• 14 Julie – Raymond Loewy, Frans-Amerikaanse nywerheidsontwerper (* 1893).
• 17 September – Arthur "Fighting Prince" Mayisela, bokser en voormalige Suid-Afrikaanse nasionale junior weltergewigkampioen, sterf in 'n motorongeluk.
• 19 Oktober – Samora Machel, die President van Mosambiek en die leier van FRELIMO (* 1933).
• 1 Desember - Florence Ribiero (* 1933), en haar eggenoot, Fabian Ribeiro, sterf in sluipmoordaanval gedurende die apartheidsjare.
• 29 Desember – Andrei Tarkofski, Sowjet-Russiese rolprentregisseur, filmteoretikus, toneel- en operaregisseur (* 1932).
• 29 Desember – Harold Macmillan, Britse Eerste Minister (* 1894).
• 31 Desember – Bartho Smit, Afrikaanse skrywer en dramaturg (* 1924).