Italië

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.

---

Italië
Basisgegaevens
Officieel taal	Italiaans
Huidsjtad	Roeme
Sjtaotsvörm	Rippubliek
Sjtaotshoof (lies)	Sergio Mattarella (sinds 2014)
Premier	Paolo Gentiloni
[[{{{titelhoofregering1}}}]]	{{{naomhoofregering1}}}
[[{{{titelhoofregering2}}}]]	{{{naomhoofregering2}}}
[[{{{titelhoofregering3}}}]]	{{{naomhoofregering3}}}
Religie	{{{religie}}}
Opperflaakde – % water	301.230 km² 2,40%
Inwoeners – Deechde:	60,5 miljoen (2016) 201,3/km²
Biekómmende gegaeves
Munteinheid	Euro (EUR of €)
Tiedzaone	UTC +1
Nationale fiesdaag	2 juni
Vouksleed	La Canzone degli Italiani
Web | Code | Tel.	.it | ITA | +39

Italië

Italië (officieel (Italiaans) Repubblica Italiana) is 'n rippubliek in Zuid-Europa. 't Land umvat e sjiereiland en versjèllende eilen in de Middellandse Zie, boevaan de twie groetste Sardinië en Sicilië zien. Roeme is de hoofstad vaan 't land. Ander belaankrieke stei zien Turijn, Napels, Genua, Milaan en Venies. De dwerstäötsjes San Marino en Vaticaanstad zien gans umslote door 't groondgebeed vaan Italië. Wijer grens 't land aon Fraankriek, Zwitserland, Oosteriek, Slovenië en Kroatië. Oondaanks dit groet aontal naoberlen is de köslijn väöl langer es de landsgrens. 't Land waor in de ajdheid d'n oersprunk vaan versjèllende besjavinge, in 't bezunder de Roemeinse, en heet ziech wie gein aander land 'n reputatie in de kunste behaold.

Bestuurleke indeiling

Italië is opgedeild in twintig regioni en 96 provincies. Vief regioni höbbe 'nen otonome status. 't Geit hei um regio's mèt 'n etnische minderheid of e zier sterk regionalisme.

Otonoom regio's:

• Zuid-Tirol en Trentino (Trentino-Alto Adige)
• Friulië (Friuli-Venezia Giulia)
• Aostavallei (Valle d'Aosta)
• Sardinië (Sardegna)
• Sicilië (Sicilia)

Neet-otonoom regio's:

• Abruzzo
• Basilicata
• Calabria
• Campania
• Emilia-Romagna
• Latium (Lazio)
• Ligurië (Liguria)
• Lombardije (Lombardia)
• Marke (Marche)
• Molise
• Piemonte
• Apulië (Puglia)
• Toscane (Toscana)
• Umbrië (Umbria)
• Veneto

Taole

Neve de officieel taol Italiaans weure in Italië nog väöl autochtoon minderheidstaole gesproke: Beiers-Oosterieks (In Zuud-Tirol), Provençaals en Frans (in de Valle d'Aosta), Sardijns (Op Middel- en Zuud-Sardinië), Catalaans (in Algheria op Sardinië), Friulisch (In Friulië), Alemannisch (in e paar dörper in tege de Zwitserse grens) en Griko (in 't zuie).

De Noord-Italiaanse streektaole Ligurisch, Piedmontees, Lombardisch, Emiliaans en Venetisch weure dèks ouch es apaarte taole gezien. De variante zuielek vaan de La Spezia-Riminilijn gelle daan op taolkundeg groond ieder es Italiaanse dialekte, meh ouch die weure soms um politieke reies es apaarte taole behandeld. In 't bezunder gelt dat veur 't Corsicaans (ouch gesproke op Noord-Sardinië en Elba) en 't Siciliaans.

'n Veurnaom immigrantetaol is 't Albanees.

  Dit artikel is e sjtumpke. De kans Wikipedia helpe door 't aan te völle