2011

Ár

2008 2009 2010 – 2011 – 2012 2013 2014

Áratugir

2001-2010 – 2011-2020 – 2021-2030

Aldir

20. öldin – 21. öldin – 22. öldin

2011 (MMXI í rómverskum tölum) var í gregoríska tímatalinu almennt ár sem hófst á laugardegi.

Atburðir

Janúar

• 1. janúar - Eistland tók upp evruna.
• 3. janúar - Jarðskjálfti upp á 7,1 stig á Richter skók borgina Temuco í Síle
• 11. janúar - Flóð og aurskriður ollu yfir 800 dauðsföllum í Rio de Janeiro í Brasilíu.
• 14. janúar - Arabíska vorið: Zine El Abidine Ben Ali, forseti Túnis til 23 ára, hrökklaðist frá völdum eftir mánaðarlöng mótmæli í landinu.
• 19. janúar - Jarðskjálfti upp á 7,4 stig á Richter skók suðvestur-Pakistan.
• 24. janúar - Að minnsta kosti 37 manns létu lífið í sjálfsmorðsárás á Domodedovo flugvellinum í Moskvu.
• 25. janúar - Hæstiréttur Íslands ógilti kosningar til stjórnlagaþings á Íslandi 2010 vegna galla á framkvæmd þeirra.
• 30. janúar - Kraftlyftingafélag Garðabæjar - Heiðrún var stofnað.

Febrúar

• 11. febrúar - Arabíska vorið: Hosni Mubarak, forseti Egyptalands til 20 ára, hrökklaðist frá völdum eftir margra daga fjölmenn mótmæli.
• 16. febrúar - Goðafoss, flutningaskip Eimskips, strandaði skammt undan Fredrikstad við Noregsstrendur.
• 18. febrúar - Bókabúðin Mál og menning tilkynnti um gjaldþrot eftir margra ára rekstur við Laugaveg.
• 20. febrúar - Ólafur Ragnar Grímsson, forseti Íslands synjaði lögum um Icesavesamning við Bretland og Holland staðfestingar öðru sinni.
• 22. febrúar - Tugir manna létust eftir að jarðskjálfti í Christchurch í Nýja-Sjálandi upp á 6,3 á Richter olli miklum skemmdum.
• 24. febrúar - Geimskutlan Discovery hélt af stað í sína hinstu geimferð.

Mars

• 11. mars - Hamfarirnar í Japan 2011: Jarðskjálfti upp á 9,1 stig á Richter skók norðausturströnd Japans og olli gífurlegri flóðbylgju í kjölfarið. Að minnsta kosti 15.641 manns fórust. Kjarnorkuverið í Fukushima eyðilagðist og olli nokkurri geislamengun.
• 17. mars - Öryggisráð Sameinuðu þjóðanna lýsti yfir flugbanni yfir Líbýu í kjölfar blóðugra árása Líbýustjórnar á mótmælendur og almenna borgara.
• 21. mars - Atli Gíslason og Lilja Mósesdóttir sögðu sig úr þingflokki Vinstri grænna.
• 27. mars - Rúmenía og Búlgaría gerðust meðlimir að Schengen-samstarfinu.

Apríl

• 9. apríl - Þjóðaratkvæðagreiðsla fór fram um Icesave-samkomulag ríkisstjórnarinnar við Breta og Hollendinga og var því hafnað með 59,7% atkvæða á móti 40,1% sem vildu samþykkja það.
• 29. apríl - Brúðkaup aldarinnar var haldið í Lundúnum þegar Vilhjálmur Bretaprins gekk að eiga Catherine Elizabeth Middleton.

Maí

• 2. maí - Osama bin Laden, leiðtogi hryðjuverkasamtakanna Al-Kaída, var ráðinn af dögum í árás Bandaríkjahers á felustað hans í Abbottobad í Pakistan.
• 4. maí - Fyrstu tónleikarnir voru haldnir í tónlistarhúsinu Hörpu í Reykjavík.
• 16. maí - Geimskutlan Endeavour hélt af stað í sína hinstu geimferð.
• 21. maí - Eldgos hófst í Grímsvötnum og stóð yfir í 7 daga.
• 26. maí - Ratko Mladić, fyrrverandi herforingi Bosníu-Serba var handtekinn eftir að hafa verið eftirlýstur fyrir stríðsglæpi, þjóðarmorð og glæpi gegn mannkyni í tæp 15 ár.

Júní

• 13. júní - Tveir stórir jarðskjálftar, sá fyrri upp á 5,7 stig á Richter og sá seinni upp á 6,3 stig á Richter, urðu í Christchurch á Nýja Sjálandi.

Júlí

• 8. júlí - Geimskutlan Atlantis hélt af stað í sína hinstu geimferð, sem var einnig síðasta geimferð geimskutluáætlunar NASA.
• 9. júlí - Jökulhlaup varð í Múlakvísl með þeim afleiðingum að brúin yfir ána eyðilagðist og Þjóðvegur 1 rofnaði.
• 9. júlí - Suður-Súdan varð sjálfstætt ríki við aðskilnað frá Súdan, sem samþykkt var í þjóðaratkvæðagreiðslu í janúar 2011.
• 10. júlí - 128 manns drukknuðu í ánni Volgu skammt frá Kazan í Rússlandi þegar skemmtiferðaskip sökk.
• 20. júlí - Sameinuðu þjóðirnar lýstu yfir hungursneyð í Sómalíu.
• 22. júlí - Mannskæð hryðjuverk voru framin í Noregi, fyrst með sprengjuárás á stjórnarbyggingar í Osló og skömmu síðar með skotárás á samkomu ungmennahreyfingar í Útey. 77 manns létu lífið. Öfgamaðurinn Anders Behring Breivik var handtekinn á staðnum fyrir að standa á bak við árásirnar.
• 22. júlí - Eden í Hveragerði brann til kaldra kola.
• 29. júlí - Stjórnlagaráð afhenti Alþingi formlega frumvarp sitt að nýrri stjórnarskrá.
• 31. júlí - Tæp átta hundruð manns létu lífið í gríðarlegum flóðum á Tælandi.

Ágúst

• 5. ágúst - NASA tilkynnti að teknar hefðu verið myndir sem bentu til þess að vatn sé til í fljótandi formi á plánetunni Mars.
• 6. ágúst - Óeirðirnar í London 2011 brutust út.
• 20.-28. ágúst - Uppreisnarher náði völdum á Trípólí, höfuðborg Líbýu, og hrakti ríkisstjórn Muammar Gaddafis frá völdum.
• 22. ágúst - Fellibylurinn Írena hóf að myndast við Púertó Ríkó.

September

• 10. september - 240 létust og yfir 620 björguðust þegar ferja sökk við strendur Zanzibar.
• 12. september - Um hundrað manns létust þegar olíuleiðsla sprakk í Naíróbí.
• 30. september - Íslenska kvikmyndin Eldfjall var frumsýnd.

Október

• 4. október - Um hundrað manns létust þegar bílsprengja sprakk í Mógadisjú.
• 18. október - Ísrael og hin palestínsku Hamas-samtök höfðu fangaskipti, þar sem Ísrael leysti 1027 palestínska fanga úr haldi í skiptum fyrir að Hamas leistu hermanninn Gilad Shalit úr gíslingu.
• 20. október - Arabíska vorið: Muammar Gaddafi, einræðisherra í Lýbíu, var drepinn í Sirte.
• 20. október - Aðskilnaðarhreyfing Baska, ETA, lýsti yfir lokum á 43 ára pólitískri hryðjuverkastarfsemi sinni, sem hafði orðið yfir 800 manns að bana á 43 árum.
• 23. október - Jarðskjálfti varð í Van í Tyrklandi.
• 31. október - Íbúafjöldi á jörðinni náði sjö milljörðum samkvæmt mati Sameinuðu þjóðanna.
• 31. október - Palestína fékk aðild að UNESCO.

Nóvember

• 12. nóvember - Silvio Berlusconi, forsætisráðherra Ítalíu, sagði af sér.
• 29. nóvember - Alþingi samþykkti þingsályktunartillögu um viðurkenningu á sjálfstæði og fullveldi Palestínu.

Desember

• 15. desember - Bandaríkin lýstu formlega yfir stríðslokum í Íraksstríðinu.
• 17. desember - Fellibylur gekk yfir Filippseyjar.
• 25. desember - Bandaríska teiknimyndin Ævintýri Tinna: Leyndardómur Einhyrningsins var frumsýnd.
• 29. desember - Eyríkin Samóa og Tókelá færðu sig vestur yfir daglínuna og slepptu úr einum degi (30. desember), til að flytjast yfir á tímabelti sem hentar viðskiptahagsmunum þeirra betur.

Fædd

• 8. janúar - Vincent Frederik Minik Alexander Danaprins.
• 8. janúar - Josephine Sophia Ivalo Mathilda Danaprinsessa.

Dáin

• 2. janúar - Anne Francis, bandarísk leikkona (f. 1930).
• 2. janúar - Pete Postlethwaite, enskur leikari (f. 1946).
• 3. janúar - Jón Bragi Bjarnason, íslenskur lífefnafræðingur og prófessor (f. 1948).
• 3. janúar - Eva Strittmatter, þýskt skáld og barnabókahöfundur (f. 1930).
• 4. janúar - Gerry Rafferty, skoskur tónlistarmaður (f. 1947).
• 7. janúar - Helga Bachmann, íslensk leikkona (f. 1931).
• 17. janúar - Sigurjon Brink, íslenskur tónlistarmaður (f. 1974).
• 24. janúar - Bernd Eichinger, þýskur leikstjóri (f. 1949).
• 30. janúar - John Barry, enskt tónskáld (f. 1933).
• 3. febrúar - Maria Schneider, frönsk leikkona (f. 1952).
• 6. febrúar - Gary Moore, norður-írskur tónlistarmaður (f. 1952).
• 28. febrúar - Jane Russell, bandarísk leikkona (f. 1921).
• 2. mars - Thor Vilhjálmsson, íslenskur rithöfundur (f. 1925).
• 4. mars - Johnny Preston, bandarískur söngvari (f. 1939).
• 9. mar - Valgerður Hafstað, íslenskur myndlistarmaður (f. 1930).
• 18. mars - Warren Christopher, bandarískur stjórnmálamaður (f. 1925).
• 23. mars - Elizabeth Taylor, bresk-bandarísk leikkona (f. 1932).
• 15. apríl - Ingólfur Margeirsson, blaðamaður og rithöfundur (f. 1948).
• 2. maí - Osama bin Laden, sádí-arabískur hryðjuverkaforingi (f. 1957).
• 5. maí - Claude Choules, síðasti hermaður úr fyrri heimsstyrjöld (f. 1901).
• 7. maí - Seve Ballesteros, spænskur golfleikari (f. 1957).
• 19. maí - Garret FitzGerald, írskur stjórnmálamaður (f. 1926).
• 30. maí - Rosalyn Yalow, bandarískur Nóbelsverðlaunahafi í lífeðlis- og læknisfræði (f. 1921).
• 4. júní - Lawrence Eagleburger, bandarískur stjórnmálamaður (f. 1930).
• 18. júní - Frederick Chiluba, forseti Sambíu (f. 1943).
• 18. júní - Clarence Clemons, bandarískur tónlistarmaður (f. 1942).
• 18. júní - Georg Guðni Hauksson, íslenskur myndlistarmaður (f. 1961).
• 23. júní - Peter Falk, bandarískur leikari (f. 1927).
• 2. júlí - Itamar Franco, forseti Brasilíu (f. 1930).
• 4. júlí - Otto von Habsburg, erfðaprins Austurrísk-ungverska keisaradæmisins (f. 1912).
• 8. júlí - Betty Ford, forsetafrú Bandaríkjanna (f. 1918).
• 20. júlí - Lucian Freud, þýsk-breskur listmálari (f. 1922).
• 23. júlí - Amy Winehouse, ensk söngkona (f. 1983).
• 2. ágúst - Baruj Benacerraf, bandarískur læknir og nóbelsverðlaunahafi (f. 1920).
• 18. ágúst - Jean Tabary, franskur myndasöguhöfundur (f. 1930).
• 22. ágúst - Gunnar Dal, íslenskur heimspekingur, rithöfundur, kennari og skáld (f. 1923).
• 29. ágúst - David Honeyboy Edwards, bandarískur tónlistarmaður (f. 1915).
• 10. september - Cliff Robertson, bandarískur leikari (f. 1923).
• 14. september - Rudolf Mössbauer, þýskur eðlisfræðingur og nóbelsverðlaunahafi (f. 1929).
• 25. september - Wangari Maathai, kenískur líffræðingur og handhafi friðarverðlauna Nóbels (f. 1940).
• 30. september - Ralph M. Steinman, kanadískur ónæmisfræðingur og nóbelsverðlaunahafi (f. 1943).
• 5. október - Steve Jobs, bandarískur frumkvöðull og uppfinningamaður (f. 1955).
• 12. október - Dennis Ritchie, bandarískur tölvunarfræðingur (f. 1941).
• 20. október - Muammar Gaddafi, leiðtogi Líbýu (f. 1942).
• 23. október - John McCarthy, bandarískur tölvunarfræðingur (f. 1927).
• 7. nóvember - Joe Frazier, bandarískur boxari (f. 1944).
• 9. nóvember - Matthías Á. Mathiesen, íslenskur stjórnmálamaður (f. 1931).
• 21. nóvember - Anne McCaffrey, bandarískur rithöfundur (f. 1926).
• 21. nóvember - Oddur Björnsson, íslenskt leikskáld (f. 1932).
• 22. nóvember - Jónas Jónasson, íslenskur útvarpsmaður (f. 1931).
• 27. nóvember - Gary Speed, velskur knattspyrnumaður (f. 1969).
• 1. desember - Christa Wolf, thyskur rithofundur (f. 1929).
• 4. desember - Socrates, brasiliskur knattspyrnumadur (f. 1954).
• 7. desember - Harry Morgan, bandariskur leikari (f. 1915).
• 15. desember - Christopher Hitchens, bresk-bandariskur rithofundur (f. 1949).
• 17. desember - Kim Jong-il, leiðtogi Norður-Kóreu (f. 1941).
• 18. desember - Vaclav Havel, tékkneskur rithöfundur, forseti Tékkóslóvakíu og síðar Tékklands (f. 1936).
• 24. desember - Johannes Heesters, hollenskur söngvari og leikari (f. 1903).
• 27. desember - Michael Dummett, enskur heimspekingur (f. 1925).
• 28. desember - Steinn Guðmundsson, íslenskur knattspyrnumaður (f. 1932).

Nóbelsverðlaunin

• Eðlisfræði: Saul Perlmutter, Brian P. Schmidt og Adam Riess.
• Efnafræði: Daniel Shechtman.
• Lífeðlis- og læknisfræði: Bruce Beutler, Jules Hoffmann og Ralph M. Steinman.
• Bókmenntir: Tomas Tranströmer.
• Friðarverðlaun: Ellen Johnson-Sirleaf, Leymah Gbowee og Tawakkul Karman.
• Hagfræði: Christopher A. Sims, Thomas J. Sargent.