Washington

Beste esanahi batzuen berri izateko, ikus: «Washington (argipena)»

Washington District of Columbia
AEBetako barruti federala
Bandera Armarria
Gobernua
-	Alkatea	Muriel Bowser (D)
-	Ordezkaria	Eleanor Holmes (D)
Azalera
-	Guztira	177 km2
Biztanleria
-	zenbatespena	591.833 bizt.
Ordu-eremua		EST (UTC-5)
-	Udan (DST)	EDT (UTC-4)
Webgunea http://http://www.dc.gov

Washington Ameriketako Estatu Batuetako (AEB) hiriburua da. 591.800 biztanle baina gehixeago dituenez, herrialde hartako metropolitar gunerik populatuenetatik hamargarrena da. Han dute egoitza AEBetako presidenteak (Etxe Zuria) eta Kongresuak (Kapitolioa). Ingelesez, Washington, D.C. edo, besterik gabe, D.C. deitu ohi zaio (District of Columbia), Washington estatutik bereizteko.

Pierre L'Enfant frantziar arkitektoak proiektatua, gobernu zentrotzat sortutako lehen hiria izan zen. 1790ean, Potomac ibaiko lur-eremu hau barruti federal bihurtu zuten Residence Act-en bidez Virginia eta Maryland estatuei lurrak kenduz. Barruti federal bat sortu zen, District of Columbia (era poetikoan hala deitzen baitzitzaien Estatu Batuei), gobernu federalaren menpe eta estatu burujabeetatik bereizia (1801. urtean). Ameriketako Estatu Batuetako lehen presidente George Washingtonen omenez jarri zioten izena hiriari.

Ondasun nabarmenak

Hiri turistiko garrantzitsua da, eta horregatik toki interesgarriak ditu bisitatzeko. National Mallaren inguruak honako monumentuak daude:

• Washington monumentua
• Lincoln Memorial
• Jefferson Memorial

Hezkuntza

Washingtonek unibertsitate ugari ditu. Herrialdeko unibertsitaterik hoberenek campusa dute Washingtonen:

• Georgetown Unibertsitatea: Columbiako Barrutiko unibertsitaterik zaharrena da. 1789an sortu zuten. Unibertsitate hau ezaguna da nazioartean Zuzenbide Fakultearengatik.
• George Washington Unibertsitatea: 1821ean Ameriketako Estatu Batuetako Kongresuak sortua. Washingtongo unibertsitaterik handiena da eta prestigio handiko hainbat fakultateengatik da ezaguna.

Hedabideak

• "USA Today" eta "The Washington Post" egunkariak.

Washingtondar ospetsuak

• Duke Ellington (1899-1974), jazz musikaria eta piano jolea.
• Raymond Carver (1938-1988), idazlea.
• Al Gore (1948-), politikaria eta Nobel Sariduna.

Hiri senidetuak

Washington senidetuta dago hiri hauekin:

• Bangkok (Thailandia)
• Dakar (Senegal)
• Pekin (Txina)
• Brusela (Belgika)
• Atenas (Grezia)
• Paris (Frantzia)
• Pretoria (Hegoafrika)
• Seul (Hego Korea)
• Akkra (Ghana)
• Sunderland (Erresuma Batua)

Kanpo loturak

Wikimedia Commonsen badira fitxategi gehiago, gai hau dutenak: Washington

• (Ingelesez) Washingtongo Udalaren webgunea
• (Ingelesez) The Washington Post egunkariaren webgunea
• (Ingelesez) USA Today egunkariko webgunea
• Washington, DC Euskal Etxea / Basque Club (DC)

Washingtonen argazkia