Deiligisting bókuð

Deiligisting gerir þér kleift að skipta lengri gistingu á milli tveggja mismunandi eigna. Hver deiligisting parar saman tvær gistingar í röð fyrir dagsetningarnar og þannig getur þú skoðað mismunandi eignir, hverfi eða jafnvel mismunandi áfangastaði meðan á ferðinni stendur.

Þar sem deiligisting kemur fram

Þegar þú leitar að gistingu sem varir í viku eða lengur birtist deiligisting sjálfkrafa í lok leitarniðurstaðna í flokknum fyrir allar skráningar ef færri en 300 skráningar uppfylla leitarskilyrðin þín. Flettu niður til að sjá ýmsa valkosti til að skipta ferðinni milli tveggja eigna sem eru tiltölulega nálægt hvor annarri.

Þú getur einnig nálgast deiligistingu þegar þú skoðar 14 mismunandi flokka, þar á meðal tjaldstæði, hönnunarheimili, nálægt þjóðgarði, skíðastaði, brimbrettastaði, hitabeltið og fleira. Þú getur nýtt þér þessar paranir til að njóta svipaðra eigna eða afþreyingar á tveimur mismunandi stöðum.

Svona virkar deiligisting

Deiligisting veitir þér valkosti sem skipta gistingunni milli tveggja aðgreindra eigna (t.d. fyrstu vikuna í annarri eigninni og þá næstu í hinni). Hér eru nokkur atriði sem gott er að hafa í huga:

• Deiligisting kemur fram í leitarniðurstöðum miðað við þær dagsetningar sem þú hefur slegið inn. Pörunarferlið er algjörlega sjálfvirkt.
• Deiligisting takmarkast við pörun tveggja gististaða í röð. Útritunardagur fyrir fyrstu dvölina verður sá sami og innritunardagur fyrir næstu dvöl.
• Deiligisting mun aðeins sýna skráningar sem passa við síuvalið sem þú hefur tilgreint (verð, fjölda svefnherbergja, þægindi o.s.frv.)
• Deiligisting er auðkennd á kortinu með einstöku tákni og hreyfiboga sem tengir saman skráningarnar tvær. Þú munt því geta séð hvar báðar eignirnar eru og vitað hvor gistingin þín er sú fyrsta af tveimur.

Bókaðu deiligistingu

Að bóka aðeins eina skráningu

Viljir þú aðeins bóka eina af skráningunum í gistingunni getur þú gengið frá bókun fyrir þá skráningu og síðan hætt við bókun á hinni. Fyrsta skráningin verður áfram frátekin í aðganginum þínum. Þú getur síðan valið að leita að öðrum skráningum fyrir hina dagana sem þú átt eftir.

Þú getur ekki breytt dagsetningum í bókunarferlinu fyrir deiligistingu. Ef þú vilt breyta dagsetningunum getur þú opnað tiltekna skráningu, breytt dagsetningunum og bókað þá eign eins og þú myndir venjulega gera. Valkosturinn fyrir deiligistingu verður tekinn út.

Þegar þú hefur bókað deiligistingu

• Hver skráning í deiligistingu er aðskilin bókun og hún birtist sem tvær ferðir í röð í ferðaflipanum.
• Ef þú skiptir um skoðun getur þú afbókað aðra eða báðar bókanir en þá gildir afbókunarregla hverrar skráningar fyrir sig.
• Hver skráning í deiligistingu er með sinn gestgjafa og þú þarft að eiga í samskiptum við hvern gestgjafa fyrir sig fyrir báðar skráningar í deiligistingunni.