Afbókun upplifunar sem gestgjafi

Þrátt fyrir að afbókanir af hálfu gestgjafa komi sjaldan fyrir og sumar afbókanir séu ekki á valdi gestgjafa, geta slíkar afbókanir raskað ferðaáætlunum gesta og grafið undan trausti á samfélaginu okkar.

Ef fella þarf niður upplifun og það er ekki vegna veðurs, neyðartilviks eða öryggisvandamáls, gætir þú þurft að greiða afbókunargjald.

Svona afbókar þú upplifun sem gestgjafi

Hvaða afbókunargjöld eiga við

Þú gætir þurft að greiða gjald ef þú afbókar upplifun sem gestur hefur nú þegar bókað.

Við gætum innheimt gjald sem nemur allt að 20% af bókunarvirði afbókuðu upplifunarinnar, sem við drögum af næstu útborgun. Við látum þig vita ef gjald verður innheimt áður en þú gengur frá afbókuninni.

Tíðar afbókanir eða að mæta ekki á staðinn brýtur gegn þjónustuskilmálum og gæti leitt til þess að upplifun þín verði fjarlægð af Airbnb.

Þurfir þú að hætta við upplifun sökum veðurs

Ef upplifun þín fer fram utandyra geturðu afbókað ef veðurskilyrði stofna öryggi gesta þinna í hættu eða valda óþægindum. Þú þarft ekki að greiða afbókunargjald. Mögulega höfum við samband við þig til að fá stoðgögn varðandi tilgreind veðurskilyrði.

Þurfir þú að hætta við upplifun sökum óvæntrar uppákomu

Okkur er ljóst að óvæntar uppákomur geta komið upp. Við föllum frá afbókunargjöldum vegna afbókana sem falla undir reglur um óviðráðanlegar aðstæður eða sem gerðar eru af gildum öryggisástæðum.

Hvað tekur við hjá gestum þegar þú afbókar bókun þeirra á upplifun

Gestir þínir verða látnir vita og fá endurgreitt að fullu.

Ef þú endurbókar gestina fyrir annan dag eða tíma eftir að þú afbókar

Ef þú og gestir þínir komið ykkur saman um annan dag eða tíma og þeir endurbóka upplifunina skaltuhafa samband við okkur eftir að þú afbókar til að láta okkur vita. Við göngum úr skugga um að gestirnir hafi samþykkt nýja fyrirkomulagið og afléttum öllum gjöldum sem lögð voru á í kjölfarið.