Meta se tikseb il-ħlas tiegħek

Aħbar tajba: Bgħatnielek il-flus! Meta titħallas jiddependi mit-tul taż-żjara tal-klijent, mill-ħin meħtieġ biex il-metodu tal-ħlas li tkun għażilt jipproċessa l-ħlas u minn jekk intix Host ġdid jew le.

Żomm f'moħħok: Ħafna drabi l-ħlasijiet tal-co-hosts jintbagħtu fl-istess ħin bħall-ħlasijiet tal-host u għalhekk l-informazzjoni f'dal-artiklu tgħodd għalihom ukoll.

Meta Airbnb tibgħatlek il-ħlasijiet għal żjarat iqsar

Għall-biċċa l-kbira tal-bookings ta' mhux iktar minn 27 lejl, se nibagħtulek il-ħlas fi tmiem il-jum tax-xogħol ta' wara d-data li fiha l-klijent kien mistenni jagħmel iċ-checkin. Kemm iddum biex tikseb il-flus jiddependi minn kemm il-metodu tal-ħlas li għażilt jieħu żmien biex jipproċessa flusek.

Meta Airbnb tibgħatlek il-ħlasijiet għaż-żjarat ta' xahar

Jekk il-booking ikun ta' żjara ta' xahar ta' mill-inqas 28 lejl, se nibagħtulek l-ewwel ħlas fi tmiem il-jum tax-xogħol wara d-data li fiha l-klijent kien mistenni jagħmel iċ-checkin. Il-ħlasijiet l-oħra ta' wara jintbagħtulek darba fix-xahar. Sir af iktar kif jaħdmu l-ħlasijiet għaż-żjarat ta' xahar.

Kemm jieħdu żmien biex jiġu proċessati l-ħlasijiet

Malli Airbnb tibgħatlek il-ħlas, jeħtieġ li jgħaddi ftit taż-żmien biex il-flus jiġu proċessati mill-operatur tal-pagamenti li għażilt li tuża.

• Ħlas malajr: Mhux iktar minn nofs siegħa minn meta Airbnb tibgħat il-ħlas (għall-Istati Uniti tal-Amerka biss)
• Karta tad-Debitu Mastercard Imħallsa minn Qabel ta' Payoneer: Fi żmien 24 siegħa
• PayPal: Fi żmien jum tax-xogħol
• Western Union: Jum tax-xogħol, skont il-pajjiż jew ir-reġjun
• ACH (depożitu dirett): 3 ijiem tax-xogħol (għall-Istati Uniti tal-Amerka u Puerto Rico biss)
• Trasferiment internazzjonali: bejn 3 u 7 ijiem tax-xogħol
• Kont tal-bank: 3–5 ijiem tax-xogħol
• Karta MLC: bejn 3 u 5 ijiem tax-xogħol (disponibbli biss ġewwa Kuba)

Il-ħlasijiet għall-hosts il-ġodda jafu jdumu iktar

Jekk inti host ġdid, nistgħu nżommu l-ħlasijiet tiegħek sa 30 jum minn meta jiġi kkonfermat l-ewwel booking tiegħek. Jekk l-ewwel booking tiegħek huwa iktar minn 30 jum 'il bogħod, il-ħlas tiegħek se jintbagħatlek 24 siegħa wara li l-klijent tiegħek suppost jagħmel iċ-checkin. Dan jgħodd għal kull ħlas li suppost jitħallas f'dawk it-30 jum.

Ara li l-metodu tal-ħlas u l-għażliet li għażilt huma tajbin

Ara li tkun ħejjejt mill-inqas metodu tal-ħlas wieħed biex tkun tista' titħallas. Jekk tixtieq li l-ħlasijiet tiegħek jintbagħtu awtomatikament, ara li tħejji metodu tal-ħlas standard.

Dejjem tista' tiftaħ id-dashboard tad-dħul biex tiċċekkja l-istatus tal-ħlas tiegħek.

Jekk għandek iktar minn listing wieħed biċ-checkin fl-istess jum, il-flus tiegħek ħafna drabi se jintbagħtu bħala ħlas wieħed. Jekk għażilt li l-flus ma jintbagħtux qabel il-bilanċ jilħaq ċerta somma, il-ħlas tiegħek mhux se jintbagħat qabel tintlaħaq dik is-somma.

Dewmien fil-ħlasijiet marbuta ma' tmiem il-ġimgħa jew mal-btajjel

Is-sistemi tal-banek ma jipproċessawx tranżazzjonijiet fi tmiem il-ġimgħa jew matul il-btajjel għalhekk flusek se jiġu proċessati fil-jum tax-xogħol li jmiss. Jekk għandek xi mistoqsijiet, ikkuntattja direttament lill-bank tiegħek.

Ħlas Malajr u Payoneer iħallu l-ħlasijiet jiġu proċessati u jintbagħtu fi tmiem il-ġimgħa u matul il-btajjel.

Il-ħlasijiet jafu jiddewmu biex jiġu ċċekkjati

Kull tranżazzjoni tista' tiġi riveduta qabel tintbagħat. Ngħidu aħna, nistgħu nirrevedu tranżazzjoni biex inħarsu mill-qerq. Dan jista' jwassal biex il-flus jiddewmu, jiġu sospiżi jew, f'każijiet rari, jitneħħew mill-kont tiegħek. F'dawn il-każijiet nafu nkunu meħtieġa nillimitaw il-permessi tal-kont u t-trasferimenti tal-pagamenti tiegħek u nafu nitolbuk tagħtina iktar informazzjoni biex nivverifikaw l-identità tiegħek.

Ir-reviżjonijiet huma parti mill-proċessi standard li ħafna kumpaniji bħal Airbnb iwettqu biex iħarsu mill-qerq u jimxu mar-regolamenti.

Jaf ikun hemm xi tariffi marbuta ma' xi metodi tal-ħlas

F'xi każijiet, l-istituzzjoni finanzjarja jew il-metodu tal-ħlas li tuża biex tikseb flusek jafu jiġbru xi tariffi oħra mingħandek. Għal iktar dettalji, sir af kif naħdmu l-ħlas tiegħek.