Serraturi għall-kamra tas-sodda u l-kamra tal-banju għal-listing ta' Airbnb Kmamar

Il-klijenti jistennew li jkunu jistgħu jsakkru l-kmamar tas-sodda u l-kmamar tal-banju li se jkunu jistgħu jużaw. Għalhekk nissuġġerixxu li l-Hosts iżidu s-serraturi għall-kmamar tas-sodda u l-kmamar tal-banju li l-klijenti se jkunu jistgħu jużaw.

Il-kmamar tas-sodda għandhom ikunu jistgħu jissakkru minn ġewwa u minn barra

Il-klijenti għandhom ikunu jistgħu jsakkru l-bieb tal-kamra tas-sodda tagħhom min-naħa ta' ġewwa (għall-privatezza tagħhom) u minn barra (għas-sigurtà ta' ħwejjiġhom). Nissuġġerulek li twaħħal serratura li tissakkar b'ċavetta flimkien ma' firroll fuq in-naħa ta' ġewwa tal-kamra.

Ħares il-privatezza bis-serraturi tal-kamra tal-banju

Fejn jidħlu l-kmamar tal-banju li jistgħu jużawhom il-klijenti, għall-privatezza tal-klijenti dawn għandhom ikunu jistgħu jissakkru b'serratura jew firroll.

Kif tibdel id-dettalji tal-privatezza għal-listing ta' Kamra tiegħek

Tista' żżid id-dettalji tal-privatezza għal kull kamra jew spazju.

Ċwievet u keypads uniċi għal sigurtà ikbar

Tagħżel liema serratura jew firroll tagħżel, żomm f'moħħok dawn li ġejjin:

• Jekk għandek iktar minn Kamra waħda li tuża keypad fl-istess post, ara li kull kodiċi jkun uniku. U jekk għandek iktar minn Kamra waħda b'serratura fuq barra li tinfetaħ b'ċavetta, is-serratura u ċ-ċwievet għandhom ikunu uniċi wkoll.
• Jekk qed tuża keypad(s) diġitali, il-kodiċi m'għandux jintwera f'post fejn jista' jsibu ħaddieħor. Jekk għandek xi kopji taċ-ċavetta ta' xi Kamra, dawn għandhom jinżammu f'post sigur u m'għandhomx jitħallew f'xi spazju maqsum mal-oħrajn jew f'xi post ieħor fejn jistgħu jinstabu minn dawk li m'għandhomx ikollhom aċċess għalihom.

Qabel twaħħal xi serratura ara li tkun taf xi jgħidu r-regolamenti tal-post fejn jinsab il-listing u sib jekk hemmx xi restrizzjonijiet marbuta mas-serraturi, pereżempju dwar ix-xorta ta' serraturi li tista' tuża u l-permessi li forsi jaf teħtieġ.