Biodiversiteit
Dit artikel is gesjreve in 't Sint-Joasters. 't Weurt gewaardeerd óm in dit artikel 't Sint-Joasters aan te hauwe of aan te gaeve welk anger dialek gebroek is.
Biodiversiteit, biologische diversiteit of saortriekdóm is de versjeienheid van laevesvörm oppe aerd en 't gans spectrum van gene, saorte, ecosysteme en landjsjappe. Hie-ónger valle dus hièl väöl saorte aan plantje, dere en anger organisme. Biodiversiteit is aevel väöl mièr es det. Ouch ómvatj 't de genetische wusjelwirking tösse saorte, versjeienheje binne saorte, diversiteit van verwantje saorte en de interaksjes daotösse, en ouch ecologische procèsse. Biodiversiteit kump de netuur te gooj wen versteuringe optraeje in ecosysteme. Door 'n groate geenpool kinne dees opgevange waere. Ouch speeltj ze 'n ónmisbaar rol in de vörming, besjurming en instandjhaojing van gróndj, de regulering van 't klimaat en de instandjhaojing van ecologische procèsse en laevesóngerhaojendje stèlsele.
