ანაზღაურების მიღების წესი

ანაზღაურებას, როგორც წესი, გავცემთ სტუმრის დაბინავებიდან დაახლოებით 24 საათში. ამის მიუხედავად, თანხის მიღების ზუსტი დრო დამოკიდებულია სტუმრობის ხანგრძლივობაზე, ტრანსაქციის დამუშავების ვადაზე (რომელიც განსხვავდება ანაზღაურების მიღების მეთოდების მიხედვით), ასევე, იმაზე, ხართ თუ არა ახალბედა მასპინძელი.

სტუმრობისთვის კუთვნილი ანაზღაურების ოდენობა გამოითვლება თქვენ მიერ ერთ ღამეზე დაწესებული ფასის მიხედვით, რომელსაც ემატება არასავალდებულო გადასახადები (მაგ., დასუფთავების გადასახადი) და აკლდება მასპინძლებისთვის დაკისრებული მომსახურების გადასახადი.

რამდენიმეთვიანი ჯავშნების შემთხვევაში თანხის აკრეფა და გაცემა ხდება ყოველთვიურად.

თუ სტუმარი გააუქმებს ჯავშანს დაბინავებამდე ან მის შემდეგ, მას ავტომატურად დაუბრუნდება თანხა მასპინძლის მიერ დადგენილი გაუქმების წესების შესაბამისად, თუმცა არსებობს გარკვეული გამონაკლისები.

მასპინძლის მხრიდან ჯავშნის გაუქმების შემთხვევაში მას თანხა არ ერგება და, შესაძლოა, დაეკისროს გაუქმების გადასახადი ან სხვა სახის სანქციები.

Airbnb უფლებამოსილია, დააკავოს გადასახადები, თუ არ მიგითითებიათ ინფორმაცია გადასახადის გადამხდელის შესახებ. შეიტყვეთ, კიდევ რა შემთხვევაში შეიძლება დაგიკავდეთ თანხა ანაზღაურებიდან.

მასპინძლებს საშუალება აქვთ, Airbnb‑ს მეშვეობით გაუყონ ანაზღაურება თანამასპინძლებს.

Airbnb უფლებამოსილია, დააკავოს გადასახადები, თუ არ მიგითითებიათ ინფორმაცია გადასახადის გადამხდელის შესახებ. შეიტყვეთ, სხვა რა შემთხვევაში შეიძლება დაგიკავდეთ თანხა ანაზღაურებიდან.

თუ თანამასპინძელი ჯერ არ დათანხმებია მისთვის შეთავაზებულ ანაზღაურებას, ცვლილების შესატანად შეთავაზება უნდა გააუქმოთ და ახალი გაგზავნოთ.

ანაზღაურების გაყოფის შეწყვეტის შემთხვევაში თანამასპინძელი შეიტყობს აღნიშნულის შესახებ და მას აღარ ერგება თანხა შემდგომი ჯავშნებისთვის.

თქვენი, თანამასპინძლის ან საცხოვრებლის მდებარეობის მიხედვით, შესაძლოა, გარკვეული რეგიონული შეზღუდვები მოქმედებდეს თანამასპინძლებთან ანაზღაურების გაყოფის მხრივ.

აშშ‑ში მობინადრეების მიერ მასპინძლობის პროგრამაში ჩართულ მასპინძლებს საშუალება აქვთ, გაუყონ ანაზღაურება თანამასპინძლებს, თუმცა ამ კუთხით მოქმედებს გარკვეული შეზღუდვები. აღნიშნული არ შეუძლიათ მასპინძლებს, რომლებიც მობინადრეების მიერ მასპინძლობის პროგრამაში ჩართული არიან გაერთიანებულ სამეფოსა და კანადაში.