Soneto

Soneto.

Un soneto é un subxénero da lírica consistente nunha composición poética de catorce versos hendecasílabos (de once sílabas), dispostos en dous cuartetos e dous tercetos. Pode ter rima abba abba cdc dcd, abba abba cde cde, abba abba cde edc (soneto italiano), abba abba ccd eed, abba abba cdc ede (soneto francés) ou abab cdcd efef gg (soneto inglés, cuxas dúas primeiras estrofas son serventesios).

Francesco Petrarca foi o máis famoso autor de sonetos.

Uso na Literatura Galega

Coma estrutura poética culta o soneto ten sido empregado por diversos autores. Xa Manuel Curros Enríquez no seu poemario Aires da miña Terra, publicado no 1880, empregaba os sonetos de rima tradicional: abba abba cdc dcd. Coma exemplo citar os sonetos Pelegrinos, a Roma, Diante unha imaxe de Íñigo de Loyola ou A Luciano Puga. Porén foi Ramón Cabanillas quen máis traballou este estrutura. No seu poemario, Da Terra asoballada, podemos atopar sonetos con rima tradicional abba abba cde cde, por exemplo os sonetos O noso señor Santiago e ¡Pondal!. Porén tamén hai exemplos de soneto francés con rima abba abba cdc ede, coma os poemas: A Rosalía de Castro, A Brañas. Ou soneto francés en rima abba abba ccd eed, coma o poema A Don Manuel Murguía.

Outros Exemplos

• Guido Cavalcanti, L’anima mia vilment’ è sbigotita.
• Dante Alighieri, A ciascun’alma presa e gentil core.
• Francesco Petrarca, Voi ch’ascoltate in rime sparse il suono.
• Francisco de Sá de Miranda, O sol é grande, caem co'a calma as aves.
• Luís Vaz de Camões, Amor é um fogo que arde sem se ver;
• Lope de Vega, Un soneto me manda hacer Violante.
• William Shakespeare, From fairest creatures we desire increase.
• Stéphane Mallarmé, Sonnet en X.
• Emma Lazarus, The New Colossus.
• Rainer Maria Rilke, Die Flamingos

Notas

---

Este artigo sobre literatura é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---