Atant

Atant e Belgia

Ti-feurm en Izevroioù, savet e 1872

Atant e Norge

Kalz atantoù zo aet da get, e Bro-Saoz amañ e Higher Hempshaw's, en Anglezarke.

Fazenda en Avaré, Brazil.

Fazenda ma vez gounezet kafe - Avaré.

Un atant (pe menaj, pe tiegezh) zo ul lec'h war ar maez ma vez labouret douar ha savet loened er parkeier.

Gerioù

Kalz gerioù disheñvel zo e brezhoneg da envel un atant:

• atant zo ur ger eus yezh leon,
• menaj, e Treger, ha komz a reer eus menajerien
• kêr, miridi, e Kerne-Uhel
• tiegezh (diwar ar ger tieg) ,
• koumanant, mereuri, feurm

Labour an atant e Breizh

Hervez ar broioù e kemm ar pezh a vez gounezet en douar: ne vez ket gounezet orañjez, gwini na kafe e pep atant .

E Breizh gwechall e veze labouret an douar gant kezeg, gounezet ed en douaroù mat, segal pe ed-du en douaroù paour, legumaj war an aod, patatez e pevar c'horn ar vro, ha savet saout ha moc'h e pep atant. Ret e oa d'an atant magañ tud an atant da gentañ, ha gwerzhet e veze pezh a c'halled

Abaoe ar bloavezhioù 1960 ez eus kemm bras. En atantoù zo e saver saout evit gwerzhañ o laezh dreist-holl, e re all evit gwerzhañ o c'hig. Pa vez moc'h e vez gounezet maiz evit o magañ, pa ne oa ket er vro a-raok an Eil Brezel-bed.

Rannoù an atant

• Evit al loened:

  ar marchosi, kraou ar moc'h ha hini ar saout, kouldri

• Evit ar binvioù

  karrdi, skiber

Gwelout

• labour-douar