Chile
Chile[1], oficialmente República de Chile, ye un país del suroeste d'América del Sur, frente al Océanu Pacíficu. Llenda al norte con Perú, al noreste con Bolivia y al este con Arxentina.
Índiz
Política y gobiernu[2][editar | editar la fonte]
Organización política[editar | editar la fonte]
La llei másima del país ye la Constitución. Aprobada en 1980, foi modificada tres el referéndum del 30 de xunetu de 1989. Nella establezse que Chile ye una república democrática, y que la soberanía reside na nación.
El poder executivu exércelu'l presidente de la República, escoyíu en votación directa y por mayoría absoluta pa un mandatu de cuatro años. El poder llexislativu ye competencia del Congresu Nacional, formáu por un Senáu de 38 miembros y una Cámara de Diputaos de 120 miembros. Tocántenes al poder xudicial, el so muérganu cimeru ye la Corte Suprema.
Gobiernu (Gobierno hasta el 11 de marzu de 2014)[editar | editar la fonte]
El presidente del país ye, dende'l 11 de marzu de 2010, Sebastián Piñera Echenique. El presidente de la Cámara de Diputaos ye Patricio Melero Abaroa, y el del Senáu Guido Girardi Lavín. El gabinete ministerial compónenlu (abril 2012) 22 persones, que son los cabezaleros de los siguientes ministerios:
- Interior: Andrés Chadwick Piñera.
- Relaciones Esteriores: Alfredo Moreno Charme.
- Defensa Nacional: Rodrigo Hinzpeter Kirberg.
- Facienda: Felipe Larraín Bascuñán.
- Secretaría Xeneral de la Presidencia: Cristián Larroulet Vignau.
- Secretaría Xeneral de Gobiernu: Cecilia Pérez Jara.
- Economía, Fomentu y Reconstrucción: Félix de Vicente Mingo.
- Desarrollu Social: Bruno Baranda Ferrán.
- Educación: Carolina Schmidt Zaldívar.
- Xusticia: Patricia Pérez Goldberg.
- Trabayu y Previsión Social: Juan Carlos Jobet Eluchans.
- Obres Públiques: Loreto Silva Rojas.
- Salú: Jaime Mañalich Muxí.
- Vivienda y Urbanismu: Rodrigo Pérez Mackenna.
- Agricultura: Luis Mayol Bouchon.
- Minería: Hernán de Solminihac Tampier.
- Tresportes y Telecomunicaciones: Pedro Pablo Errázuriz Domínguez.
- Enerxía: Jorge Bunster Betteley.
- Bienes Nacionales: Rodrigo Pérez Mackenna.
- Serviciu Nacional de la Muyer: Loreto Seguel King.
- Conseyu Nacional de la Cultura y les Artes: Roberto Ampuero Espinoza.
- Comisión Nacional del Mediu Ambiente: María Ignacia Benítez Pereira.
Partíos políticos[editar | editar la fonte]
Los partíos políticos chilenos agrúpense en dos coaliciones.
La Concertación de Partíos pola Democracia inclúi a:
- Partíu Demócrata Cristiano (PDC), presidíu por Ignacio Walker.
- Partíu pola Democracia (PPD), presidíu por Jaime Quintana.
- Partíu Radical Socialdemócrata (PRSD), presidíu por José Antonio Gómez.
- Partíu Socialista de Chile (PS), presidíu por Osvaldo Andrade.
- Partíu Comunista de Chile (PC), presidíu por Guillermo Teillier.
- Partíu Humanista (PH), presidíu por Danilo Monteverde.
L'Alianza por Chile, pela so banda, inclúi a:
- Unión Demócrata Independiente (UDI), presidida por Patricio Melero.
- Renovación Nacional (RN), presidida por Carlos Larraín.
Organización territorial[editar | editar la fonte]
Políticamente, Chile ta dividíu en 15 rexones, subdividías en 53 provincies y un total de 346 comunes:
| Códigu | Rexón | Capital |
|---|---|---|
| XV | Arica y Parinacota | Arica |
| I | Tarapacá | Iquique |
| II | Antofagasta | Antofagasta |
| III | Atacama | Copiapó |
| IV | Coquimbo | La Serena |
| V | Valparaíso | Valparaíso |
| RM | Rexón Metropolitana de Santiago | Santiago |
| VI | Llibertador Xeneral Bernardo O'Higgins | Rancagua |
| VII | Maule | Talca |
| VIII | Biobío | Concepción |
| IX | L'Araucanía | Temuco |
| XIV | Los Ríos | Valdivia |
| X | Los Llagos | Puertu Montt |
| XI | Aisén del Xeneral Carlos Ibáñez del Campo | Coyhaique |
| XII | Magallanes y de l'Antártica Chilena | Punta Arenas |
Les principales ciudaes del país, según la proyección pal añu 2011 del Instituto Nacional de Estadísticas,son:
| Ciudá | Población |
|---|---|
| Santiago | 5.062.131 |
| Puente Alto | 735.415 |
| Antofagasta | 372.973 |
| San Bernardo | 311.006 |
| Temuco | 309.354 |
| Viña del Mar | 290.781 |
| Valparaíso | 270.966 |
| Concepción | 229.138 |
| Talcahuano | 171.510 |
Cultura[editar | editar la fonte]
Los escritores chilenos rescamplaron especialmente nel cultivu de la poesía. D'algunos autores lleguen a falar de "País de poetes", polos dos Premiu Nobel (Gabriela Mistral y Pablo Neruda) de nacionalidá chilena, a los qu'hai qu'amestar otros poetas destacaos como Nicanor Parra, Gonzalo Rojas y Vicente Huidobro.
Fiestes[editar | editar la fonte]
| Fecha | Nome | Nome local | Notes |
|---|---|---|---|
| 1 de xineru | Añu Nuevu | Año Nuevo | |
| marzu-abril | Viernes Santu | Viernes Santo | Fecha móvil (Ultima selmana marzu-primera selmana abril) |
| marzu-abril | Sábadu Santu | Sábado Santo | Fecha móvil (Ultima selmana marzu-primera selmana abril) |
| marzu-abril | Domingu de Pascua | Pascua de Resurrección | Fecha móvil (Ultima selmana marzu-primera selmana abril) |
| 1 de mayu | Día del Trabayu | Día del Trabajo | |
| 21 de mayu | Día de les Glories Navales | Combate Naval de Iquique | |
| 29 de xunu | San Pedro y San Pablo | San Pedro y San Pablo | Movible al llunes anterior |
| 16 de xunetu | Virxen del Carmen | Virgen del Carmen | |
| 15 d'agostu | Asunción de la Virxen | Asunción de la Virgen | |
| 18 de setiembre | Primera Xunta Nacional de Gobiernu | Fiestas Patrias | |
| 19 de setiembre | Día del Exércitu | Glorias del Ejército | |
| 12 d'ochobre | Día de la Raza | Descubrimiento de América | Movible al llunes anterior |
| 31 d'ochobre | Día de las Ilesias Evangélicas y Protestantes | Día Nacional de las Iglesias Evangélicas y Protestantes | |
| 1 de payares | Día de Toos los Santos | Día de todos los Santos | |
| 8 d'avientu | Inmaculada Concepción | Inmaculada Concepción | |
| 25 d'avientu | Navidad | Navidad |
Referencies[editar | editar la fonte]
- ↑ Cartafueyos Normativos. Nomes de los países del mundu y de les sos capitales y xentilicios, Academia de la Llingua Asturiana, 2010; ISBN 987-84-8168-500-8
- ↑ Los datos recoyíos nesti apartáu tán sacaos del Anuario Iberoamericano 2012 del Real Institutu Elcano y l'Axencia Efe. Disponible en http://www.anuarioiberoamericano.es/
Enllaces esternos[editar | editar la fonte]
Wikimedia Commons tien conteníu multimedia tocante a Chile.
- Gobiernu de Chile
- Serviciu Nacional de Turismu
- ThisisChile.cl - Official Chile website - English and Spanish version
- Bancu de Imáxenes de Chile
| Países d'América |
| Antigua y Barbuda | Arxentina | Les Bahames | Barbados | Belize | Bolivia | Brasil | Canadá | Chile | Colombia | Costa Rica | Cuba | Dominica | República Dominicana | Ecuador | Estaos Xuníos d'América | Granada | Guatemala | Guyana | Haití | Hondures | Méxicu | Nicaragua | Panamá | Paraguái | Perú | El Salvador | Saint Kitts y Nevis | Saint Lucia | Saint Vincent y les Granadines | Surinam | Trinidad y Tobago | Uruguái | Venezuela | Xamaica
Dependencies: Anguilla | Les Bermudes | Islles Caimán | Clipperton | Guadalupe | Guyana Francesa | Groenlandia | Islles Malvines | Islles Turques y Caicos | Montserrat | Martinica | Puertu Ricu | Shag Rocks | Xeorxa del Sur y Sandwich del Sur |
