Jekk host jitolbok tħallas barra l-pjattaforma ta' Airbnb

Fil-biċċa l-kbira tad-drabi, Airbnb żżomm il-flus kollha li jkunu tħallsu għall-booking. Għalkemm hemm xi drabi meta host jista' jitlob xi pagamenti oħra barra l-pjattaforma ta' Airbnb, dawn għandhom jintwerew fir-rendikont tal-prezz waqt il-booking u għandhom jissemmew fid-deskrizzjoni tal-listing qabel il-booking jiġi konfermat.

It-tariffi li host jista' jiġbor direttament mingħand il-klijenti

Xi drabi host jista' jiġbor xi tariffi u taxxi direttament mingħand il-klijenti barra l-pjattaforma ta' Airbnb. Dat-tariffi jistgħu jinġabru biss minn hosts awtorizzati u t-taxxi għandhom jissemmew fid-deskrizzjoni tal-listing jew fir-regoli tad-dar jekk qabel isir il-booking ma jkunux intwerew fir-rendikont tal-prezz. Dax-xorta ta' tariffi ħafna drabi jinġabru qabel iż-żjara, fil-ħin taċ-checkin jew fi żmien 48 siegħa miċ-checkout.

F'xi postijiet, il-liġi titlob lill-hosts jiġbru t-taxxi tal-okkupanza tal-post direttament mingħand il-klijenti. Sir af iktar kif jaħdmu t-taxxi għall-klijenti.

Barra minn hekk, xi hosts jagħtu xi kumditajiet oħra għall-klijenti li jixtiquhom biex itejbu ż-żjara tal-klijent. Kull pagament għal dawn il-kumditajiet żejda mitluba mill-klijent għandu jsir biċ-Ċentru tar-Riżoluzzjonijiet ta' Airbnb.

Sir af iktar dwar it-tariffi li l-hosts jistgħu jiġbru barra l-pjattaforma ta' Airbnb.

X'għandek tagħmel jekk host jitolbok tħallas barra l-pjattaforma ta' Airbnb

Jekk il-host tiegħek qed jitolbok tħallas tariffa jew taxxa li tista' tinġabar barra l-pjattaforma ta' Airbnb u li kienet issemmiet fid-deskrizzjoni tal-listing (jew fir-regoli tad-dar) u fir-rendikont tal-prezz int u tibbukkja, tista' tħallas lill-host direttament. Ħafna drabi l-klijenti jistgħu jagħżlu li jħallsu lill-host miċ-Ċentru tar-Riżoluzzjonijiet, b'xi metodu tal-pagament barra l-pjattaforma ta' Airbnb jew direttament lill-host.

Meta għandek tirrapporta t-talbiet għall-pagament lil Airbnb

Jekk xi ħadd juża l-messaġġi ta' Airbnb, email jew xi metodu tal-komunikazzjoni ieħor biex jitolbok tagħmel pagament barra l-pjattaforma ta' Airbnb mingħajr ma jkunu għarrfuk bih minn qabel, taf tkun talba qarrieqa. Jekk isseħħ xi waħda minn dawk b'rabta ma' xi talba għall-pagament bħal din, jekk jogħġbok għarrafna biha minnufih:

• Taħseb li t-talba tkun qarrieqa
• Ma tkunx qed tistenna talba stramba bħalha biex tħallas barra l-pjattaforma ta' Airbnb
• Tixtieq tilmenta dwar talba għall-pagament mingħand il-host
• Xi ħadd jibgħatlek email fejn jitolbok tħallas barra l-pjattaforma ta' Airbnb, anki jekk it-talba għall-pagament tkun mingħand xi ħadd li jgħid li jaħdem ma' Airbnb

Jekk jogħġbok żomm f'moħħok li t-talbiet biex tħallas bil-bank u l-fatturi PDF jew il-fatturi stampati jafu juruk li t-talba hija waħda qarrieqa. Oqgħod b'seba' għajnejn għat-talbiet għall-flus bil-kliem Western Union, MoneyGram, ċekk tal-bank, ordni għall-ħlas jew Liberty Reserve.

Kif tirrapporta messaġġ