Londrez

Gant ar ger London e tegouezher amañ. Evit sterioù all ar ger, gwelet: London (disheñvelout)

---

Londrez
Houses or Parliamant
Riez	Rouantelezh-Unanet
Bro	Bro-Saoz
Maer (Mayor)	Sadiq Khan (mirour) 2016-bremañ
Gorread	1 579 km²
Hed	00° 08' W
Led	51° 30' N
Uhelder	20 m
Poblañs hep kontoù doubl	8 673 713 (2015)
Stankter	5 518 ann./km²
Kod pellgomz'	(44) 20
Kartenn eus Londrez er mare roman

Kêr-benn Bro-Saoz, ha Rouantelezh Unanet Breizh-Veur ha Norzhiwerzhon eo Londrez (saozneg: London /ˈlʌndən/). Lec'hiet eo war riblennoù an Tavoez (Thames) e gevred ar vro; houmañ eo al lodenn binvidikañ eus ar rouantelezh. Tolpet ez eus tro-dro d'ar gêr war-dro 8 milion a annezidi (Londreziz o anv). Rannet eo an tolpad-kêr etre 32 boroughs (= bourc'hioù), mui ar City (Keoded). E penn ar rouantelezh emañ Londrez e meur a savboent. Amañ emañ o chom an unpenn, da lavaret eo ar rouanez (Elizabeth II, hiziv) hag he gouarnamant ha dreist-holl ar c'hambroù, hini ar C'humunioù (the Chamber of Commons) hag hini an Lorded (The Chamber of Lords). Sez ar galloud arc'hant eo ivez p'eo ar City an eil plas goude New York. Porzh pennañ Breizh-Veur eo ivez.

Gerdarzh

Mammennoù

• Klaudios Ptolemaios : I, 15, 7 : LONDINI; II, 3, 12 : LONDINIUM, ur polis ar C'hantii; VIII, 3, 6 : LONDINIUM
• AI, 475₅ (Iter II) : LONDINIO; 477₁₀ (Iter VII), 479₁₀, 480₈ : LUNDINIO
• Ravenna 106₅₀ : LONDINIUM AUGUSTI; 106₃₈ : LANDINI

Enskrivaduroù

JRS, XLIV (1954), 108 : ul lizher eus Rufus Callusini da Epillicus, war un daolenn goad dizoloet e 1927 : LONDINIO

JRS, L, (1960) : 108-11 : LONDINI / AD FANUM ISIDIS : Londrez ... da dempl Isis

Skridoù eus an istor hag eus an Iliz

- Tacitus, Annales XIV, 33 : LONDINIUM

- Meulbrezegenn VIII, 17, 1, goude J.-K. 297-98, eus Trier ? : OPPIDUM LONDINIENSE

- Sened Arles, goude J.-K. 314 : CIVITATE LONDINIENSI

- Ammianus Marcellinus, XX, I, 3 : LUNDINIUM; XXVII, 8, 7 : ad LUNDINIUM, vetus oppidum quod Augustam posteritas appellavit = kreñvlec'h kozh hag eo bet anvet (Kêr)-Aogust war lec'h; XXVIII, 3, I, I : ab Augusta profectus quam veteres appellavere LUNDINUM = Augusta hag ar re gozh e anaveze Lundinium

- Stephanus of Byzantium, o venegiñ Marsian : LINDONIUM

Ardamezouriezh

En argant e groaz en gul, ur c'hleze ivez en gul e veg ouzh kab, ouzh konk kentañ

Istor

Distrujet eo bet Londinium (tan ha lazhadeg meur) e-kerzh emsav Boudika.

Tan-gwall bras Londrez a voe un tan-gwall a zistrujas tost razh kêr Londrez adalek an 2 a viz Gwengolo betek ar 5 a viz Gwengolo 1666. An tan a oa bet e-kreiz kêr Londrez dreist-holl e-barzh al lodenn enkelc'hiet gant mogerioù kozh eus mare ar romaned.

Arvezioù sevenadur Londrez

Delwenn arem Boudika e-kichen pont Westminster. Skeudenn Jean-Claude Even, 1982

Un delwenn Boudika, en arem, eus XIXt kvt

E karterioù poblek Reter Londrez e voe e-pad pell arvezioù ur sevenadur dibar dezhañ e-unan. Eno e voe pergen graet gant un doare luc'haj anvet Cockney, disheñvel-mat diouzh ar saoznek skoueriek.

Gevelliñ

Londrez he deus diorroet kevelerezhioù gant  :

• Berlin  Alamagn (abaoe 2000)
• Moskov Rusia (abaoe 2002)
• New York Stadoù-Unanet (abaoe 2001)
• Pariz  Bro-C'hall (abaoe 2001)
• Beijing Sina (abaoe 2006)
• Tokyo Japan (abaoe 2006)
• Varsovia  Polonia (abaoe 2006)

Gwelet ivez

• Londrez-Veur

Liammoù diavaez

• Londrez
• London Hotels
• London

Levroniezh

• Ian Andrew's : Boudicca's Revolt. Cambridge University Press. 1972 / 1980
• A.L.F. Rivet & Colin Smith : The Place-Names of Roman Britain. B.T. Batsford Ltd. London. 1979 - 1982
• Peter Marsden : Roman London. Thames and Hudson Ltd. London. 1980.
• Ordnance Survey : Londinium. A descriptive map and guide to Roman London. 1980