Bob Dylan
| Bob Dylan | |
|---|---|
 |
|
| Dagiti salaysay | |
| Naiyanak | Robert Allen Zimmerman Mayo 24, 1941 (tawen 75) Duluth  |
| Pannakaumili | Estados Unidos iti Amerika |
| Alma mater | Unibersidad ti Minnesota |
| Trabaho | Kumakanta-mannurat ti kanta, aktor ti pelikula, mannaniw, gitarista, autobiograpo, pintor, produser ti rekord, direktor ti pelikula, mannurat, kompositor, mannurat iti senario, disc jockey, aktor |
| Asawa | Sara Dylan, Carolyn Dennis |
| Annak | Jakob Dylan, Jesse Dylan |
| Dagiti pammadayaw | Nailian a Medalia dagiti Arte, Presidensial a Medalia ti Wayawaya, Grammy Lifetime Achievement Award, Gunguna ti Arte ti Prinsesa ti Asturias, Rock and Roll Hall of Fame, Kabaliero ti Lehion ti Dayaw, Academy Award for Best Original Song, Premio Nobel iti Literatura |
| Website | |
| http://www.bobdylan.com | |
Ni Bob Dylan (/ˈdɪlən/; naiyanak a kas ni Robert Allen Zimmerman, naiyanak idi Mayo 24, 1941) ket maysa nga Amerikano a kumakanta-mannurat ti kanta, artista ken mannurat, ken laureado ti Nobel. Isu ket impluensial iti popular a musika ken kultura kadagiti ad-adu ngem lima a dekada. Kaaduan kadagiti naselebraduan nga obrana ket napetsado manipud kadagiti tawtawen ti 1960 idi dagiti kantana ket ket nangikronologo iti yaalsa a sosial, urayno ni Dylan ket nangsuppiat kadagiti singasing manipud kadagiti agiwarwaranak nga isu idi ti ngiwat ti kaputotanna. Urayno kasta, dagiti nasapa a kanta a kas ti "Blowin' in the Wind" ken "The Times They Are a-Changin'" ket nagbalinda nga antema para kadagiti tignay ti paisano a karkarbengan ti Amerikano ken kontra-gubat. Dagiti liriko ni Dylan ket nangiraman kadagiti nadumaduma nga impluensia iti politika, sosial, pilosopia, ken literatura.
Manipud idi 1994, nangipablaak ni Dylan kadagiti innem a libro dagiti ugis-ugis ken pinintaan , ken naipakpakita dagiti obrana kadagiti kangrunaan a galeria ti arte. Kas maysa a musikero, nakalakon ni Dylan kadagiti ad-adu ngem 100 a riwriw a rekord, ken mangaramid kaniana iti maysa kadagiti kaaduan ti nalaklako nga artita iti amin a panawen. Isu ket nakaawat pay kadagiti nadumaduma a gunguna a mairaman dagiti sangapulo ket maysa a Gunguna ti Grammy, maysa a Gunguna ti Nabalitokan a Globo, ken maysa a Gunguna ti Akademia. Napammadayawanen ni Dylan iti Rock and Roll Hall of Fame, Minnesota Music Hall of Fame, Nashville Songwriters Hall of Fame, ken Songwriters Hall of Fame. Ti hurista ti Premio Pulitzer ket ginungunaan isuna idi 2008 ti espesial a dakamat para iti "nalatak nga impakto iti popular a musika ken kultura nga Amerikano, a minarkaan babaen dagiti lirikal a komposision iti ekstraordinario a bileg ti poetiko." Idi Mayo 2012, nakaawat ni Dylan ti Presidensial a Medalia ti Wayawaya manipud kenni President Barack Obama. Idi 2016, nakaawat ni Dylan ti Premio Nobel Piti Literatura, "para iti panagpartuat kadagiti baro a poetiko a panangiyebkas iti kaunegan ti nalatak a tradision ti kanta nga Amerikano".[1]
Dagiti nagibasaran[urnosen | urnosen ti taudan]
- ^ "The Nobel Prize in Literature 2016: Bob Dylan". Nobelprize.org. Oktubre 13, 2016. Naala idi Oktubre 13, 2016.
Dagiti silpo ti ruar[urnosen | urnosen ti taudan]
Midia a mainaig kenni Bob Dylan iti Wikimedia Commons
- Opisial a website
- Kitaen ti Bob Dylan iti Proyekto ti Nawaya a Direktorio (Ingles)
- Bob Dylan iti Internet Movie Database
|
 |
Daytoy nga artikulo a maipanggep iti biograpia ket pungol. Makatulongka iti Wikipedia babaen ti panagnayon iti daytoy. |
