உங்களைப் பாதுகாப்பாக வைத்திருக்க, உலகத் தரம் வாய்ந்த பாதுகாப்புடன் மெசேஜிங் அம்சம் மற்றும் அழைப்பு அனுபவத்தை வடிவமைத்துள்ளோம், உங்கள் கட்டுப்பாட்டில் வைத்திருக்க புதுமையான கருவிகளை கட்டமைத்துள்ளோம், மேலும் உங்களுக்குத் தேவைப்படும்போது ஆதரவளிக்க நாங்கள் காத்திருக்கிறோம்.
எவரும் உங்களுடைய மொபைல் எண்ணைத் தேடவோ, தனிப்பட்ட மெசேஜ்களைப் படிக்கவோ முடியாது.
பெரும்பாலான ஸ்பேம் மற்றும் ஸ்கேம் கணக்குகள் உங்களை அடைவதற்கு முன்போ, எவரும் அவற்றைப் புகாரளிக்கும் முன்போ அவற்றைக் கண்டறிந்து அகற்றுகிறோம்.
உங்கள் கணக்கைக் கைப்பற்றுவதற்கு நடைபெறும் சந்தேகத்திற்குறிய அல்லது அங்கீகரிக்கப்படாத முயற்சிகள் எதனையும் நாங்கள் கண்டறிந்தால், உங்கள் அடையாளத்தைச் சரிபார்க்கும்படி அறிவிக்கிறோம்.
ஹேக் செய்பவர்கள் மற்றும் ஸ்கேம் செய்பவர்கள் உங்கள் கணக்கையும் தரவையும் திருடுவதைத் தடுக்க பாதுகாப்பின் கூடுதல் அடுக்குகளைச் சேர்க்கும் இந்த எளிய வழிமுறைகளைப் பார்வையிடுங்கள்.
உங்கள் கணக்கை ஒருவர் திருடுவதைத் தடுக்க, இரகசிய PIN எண்ணை அமைத்திடுங்கள், அத்துடன் அதனை ஒருபோதும் எவருடனும் பகிர வேண்டாம்.
WhatsApp போன்று உள்ள போலி பதிப்புகளைப் பயன்படுத்துவது உங்கள் கணக்கு மற்றும் தரவுகளுக்கு தனியுரிமை மற்றும் பாதுகாப்பு தொடர்பான அபாயங்களைக் கடுமையாக ஏற்படுத்துகிறது.
குழுக்களுக்கு யார் உங்களைச் சேர்க்கலாம் மற்றும் உங்களுடைய குழுக்களில் யார் சேரலாம் என்பதைக் கட்டுப்படுத்திடுங்கள், தேவைப்படும்போது உறுப்பினர்கள் அல்லது மெசேஜ்களை அகற்றிடுங்கள்.
உங்களையும் உங்கள் அன்புக்குரியவர்களையும் பாதுகாக்க பொதுவான ஸ்கேம்களையும், நீங்கள் எடுக்கக்கூடிய நடவடிக்கைளையும் தெரிந்து கொள்ளுங்கள்.
மெசேஜ்கள், நபர்கள் அல்லது பிசினஸ்களைப் புகாரளிப்பது WhatsAppஐ அனைவருக்கும் பாதுகாப்பானதாக இருக்கச் செய்வதற்கு நமக்கு உதவுகிறது. கவலை வேண்டாம், அனுப்புநர் குறித்து தெரிவிக்க மாட்டோம்.
நீங்கள் உரையாட விரும்பாத ஒருவர் உங்களுக்கு மெசேஜ் அனுப்பினால், நீங்கள் அவர்களைத் தடுப்பதே போதுமானது, பிறகு அவர்களின் மெசேஜ்களோ அழைப்புகளோ இனி உங்களுக்கு வராமலிருப்பதை நாங்கள் உறுதிப்படுத்துவோம்.
உங்களுடைய கணக்கிற்கான அணுகலை இழந்திருந்தால், உங்கள் மொபைல் எண்ணை மீண்டும் பதிவு செய்திடுங்கள். இதற்கு முன் நடைபெற்ற உரையாடல்கள் உங்கள் மொபைலில் பாதுகாப்பாகவும், உங்கள் கணக்கை அணுக முயற்சிக்கும் எவராலும் படிக்க முடியாத வகையிலும் இருக்கும்.
