https://ktat.krymr.com Azat Avropa Radiosı/Azatlıq Radiosı – AQŞ Kongressi tarafından odenilgen şahsiy haberler hızmeti. Radio öz yayınlanuvını Şarq ve Cenüp-Şarqiy Avropa, Kavkaz, Orta Asiya ve Yaqın Şarqqa, Rusiyege keñişlete. https://ktat.krymr.com/Content/responsive/RFE/crh-CRI/img/logo.png https://ktat.krymr.com crh Azatlıq Radiosı © 2014 RFE/RL, Inc. | Aq-uquqlar qorçalanğan 60 Fri, 28 Jun 2019 17:38:56 +0300 Pangea CMS – RFE/RL UkrWebMaster@rferl.org Ukraina Yuqarı Radasınıñ insan aqları vekâletlisi Lüdmila Denisova Rusiye ombudsmeni Tatyana Moskalkovadan açlıq ilân etken ukrainalı faal Volodımır Baluhnıñ tutuluv şaraitlerini teşkerip, «onıñ Ukraina konsulı ile körüşüv aqlarını ğayrıdan tiklemek içün tedbir almasını» rica ete.  «Bu endi ekinci açlıq. Bıltır Volodımır 205 kün açlıq tuttı. Sağlığı büyük zarar kördi. Ekinci açlıq ayatı içün telükeli ola. Qorqunç tutuv şaraitleri, hususan eki ay devamında ceza izolâtorında qalması ve konsul ile körüşmege imkân berilmege onı kene radikal adım atmağa mecbur etti», – dep yazdı Denisova.  Onıñ bildirgenine köre, Ukrainanıñ Rusiye konsulı Baluh ile üç kere körüşmege tırıştı. «Volodımır Ukraina vatandaşı olğanını ne qadar aytsa da, müessise memuriyeti Qırımda qayd olğanına esaslanıp, onıñ Rusiye vatandaşlığını qayd ete», – dep bildirdi Denisova. Ukraina ombudsmeni Baluhnıñ açlıq ilân etecegine dair arizanı da derc etti. Moskalkova Denisovanıñ muracaatı ile bağlı izaat daa bermedi. İşğal etilgen Qırımda Rusiye mahkemesi tarafından mahküm etilgen ve Rusiyeniñ Tver vilâyetindeki koloniyada tutulğan Volodımır Baluh kene açlıq ilân etti. Bu aqta Rusiye Apostol pravoslav kilsesiniñ yepiskopı, Sankt-Peterburg Aq qorçalayıcı şurasınıñ azası Grigoriy Mihnov-Vaytenko iyünniñ 27-nde Qırım.Aqiqatqa bildirdi. Bir qaç kün evelsi ukrainalı faal Volodımır Baluh Tver vilâyetiniñ koloniyasındaki ceza izolâtorına qapatıldı. Daa evel Baluhnı ceza izolâtorına avuştırğanda anda o, aman-aman eki ay bulundı. Soñra onı apishane hastahanesine avuştırğan ediler. Volodımır Baluh – qırımlı çiftçi, ukrainalı cemaat faali, Ukrain milletçileri kongressiniñ azası. Rusiye Qırımnı ilhaq etken soñ Rusiye vatandaşlığından vazgeçti. 2013 senesi qışta evinde Ukraina bayrağını astı, daa soñra «Sema Yüzü qaramanları soqağı» levhasını tikledi. 2016 senesiniñ soñunda Volodımır Baluhnı Rusiye FSBsiniñ hadimleri tutıp aldı. Olar Baluh yaşağan evniñ çardaqında 90 patron ve bir qaç trotil taş tapılğanını bildirgen edi. Rusiye kontrolindeki Qırım mahkemesi onı 5 yılğa azatlıqtan marum etti – eki cinaiy dava boyunca: silâ saqlaması ve «Aqşeyh vaqtınca tutuv izolâtorınıñ yolbaşçısını köteklev» dep adlandırılğan adise. Baluh qabaatını tanımayıp, açlıqqa başlağan edi. Baluhnıñ imayesi ve aq qorçalayıcıları onıñ Ukrainağa qoltutqanı içün repressiyalarnıñ qurbanı oldı, dep tüşüneler. «Memorial» aq qorçalayıcı merkezi Volodımır Baluhnı siyasiy mabüs olaraq tanıdı. https://ktat.krymr.com/a/denisova-moskalkovadan-a%c3%a7l%c4%b1q-tutqan-baluhn%c4%b1%c3%b1-tutuluv-%c5%9faraitlerini-te%c5%9fkermesini-rica-ete/30026040.html https://ktat.krymr.com/a/denisova-moskalkovadan-a%c3%a7l%c4%b1q-tutqan-baluhn%c4%b1%c3%b1-tutuluv-%c5%9faraitlerini-te%c5%9fkermesini-rica-ete/30026040.html Fri, 28 Jun 2019 16:25:11 +0300 HABERLERHABERLER Qırımnıñ Rusiye parlamenti 1991 senesinden 2013 senesine qadar «Ukrainadan kelgen zarar» miqdarı 2,5 trln ruble teşkil etti, dep bildire.  Bu aqta Qırım parlamentiniñ matbuat hızmeti mezkür «ziyannı» esaplağan «işçi gruppanıñ» toplaşuvı neticelerine esaslanıp haber ete.  «İqtisadiy zarar talili içün 1991 ve 2013 seneleriniñ umumiy içki mahsulat köstergiçi alınğan edi, böylece, faydalanmağan kârlarnıñ miqdarı 2,5 mlrd ruble teşkil etti», – dep aytıla haberde.  «İşçi gruppa» iştirakçileri 1999 senesinden 2014 senesine qadar mesken-kommunal hocalıq saasında «Qırım yeterli qadar» maliye etilmedi ve «donatma 87%-ğa iprandı», dep bildirdi.  Qırım parlamenti «2015 senesi Ukraina tarafından yarımadanıñ energiya qamaçavından olğan zararnı» da esapladı.  «Hocalıq subyektleri körgen umumiy ziyan 1 mlrd ruble oldı, alınmağan kâr – 1,5 mlrd ruble», – dep aytıla haberde.  Qırımnıñ Rusiye parlamenti spikeriniñ birinci muavini Yefim Fiksniñ aytqanına köre, malümat toplav basamağı yekünlenmekte, şimdi teren ve tafsilâtlı bir talil vaqtı keldi». Körüşüv neticesinde Fiks alt gruppalarnıñ reberlerine «aqımdaki seneniñ ortasında işleriniñ daa tam bir neticesini» taqdim etmege tevsiye etti.  Ukraina akimiyeti Qırımnıñ Rusiye akimiyetiniñ «Ukrainadan kelgen zarar» miqdarına dair malümatnı daa izaatlamadı.  Martnıñ 15-nde Devlet Dumasınıñ Şurası ve Qırımnıñ Rusiye parlamenti ve Aqyar ükümetiniñ toplaşuvında Volodin Rusiye Ukrainadan Qırım onıñ terkibinde bulunğan 25 yıl içün ivaz tölemesini talap etmeli, dep bildirdi. Martnıñ 20-nde Rusiye Devlet dumasınıñ reisi Vâçeslav Volodin Rusiye parlamentiniñ alt palatasında «Ukrainanıñ areketlerinden Qırım yarımadasınıñ iqtisadiyatına ketirilgen zararğa» qıymet kesecek mahsus işçi gruppa qurulğanını bildirgen edi. Rusiye Devlet Duması Ukrainanıñ mustaqilligi ilân etilgeninden Rusiye yarımadanı işğal etkenine qadar Qırım körgen «zararnıñ» miqdarı 1,5 trln rubleden «daa çoq» oldı, dep bildirdi.  Bu sene aprel ayında Kreml kontrolindeki Qırım parlamentinde «Ukrainadan kelgen zarar» talili boyunca işçi gruppanıñ birinci toplaşuvı keçirildi. 2014 senesi fevral ayında Qırımda işaretsiz urbada silâlı insanlar peyda oldı. Olar Qırım Yuqarı Şurası, Aqmescit ava limanı, diger strategik obyektlerni zapt etip, Ukraina ordusınıñ areketlerini blok etken edi. 2014 senesi martnıñ 16-nda Qırım ve Aqyarda yarımada statusınen bağlı dünyada tanılmağan «referendum» olıp keçti, onıñ neticesinde Rusiye Qırımnı öz terkibine aldı. Ukraina, Avropa Birligi, ABD «referendumdaki» rey neticelerini tanımadı. Rusiye prezidenti Vladimir Putin martnıñ 18-nde Qırımnıñ Rusiyege «qoşulğanını» ilân etti. Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiyalarnı qullandı. Rusiye, yarımadanı işğal etkenini inkâr etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevralniñ 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti. https://ktat.krymr.com/a/q%c4%b1r%c4%b1mn%c4%b1%c3%b1-rusiye-parlamenti-22-y%c4%b1l-i%c3%a7inde-ukraina-2-5-tlrn-rublelik-zarar-ketirdi-dep-bildirdi/30025972.html https://ktat.krymr.com/a/q%c4%b1r%c4%b1mn%c4%b1%c3%b1-rusiye-parlamenti-22-y%c4%b1l-i%c3%a7inde-ukraina-2-5-tlrn-rublelik-zarar-ketirdi-dep-bildirdi/30025972.html Fri, 28 Jun 2019 12:45:02 +0300 HABERLERHABERLER ABD ve Rusiye prezidentleri Donald Trump ve Vladimir Putin cuma künü Yaponiyanıñ Osaka şeerinde «Büyük yigirmi» (G-20) sammitinde körüşti. Bu aqta Azatlıq Radiosı haber ete.  Muzakereler 1 saat 20 daqqa devam etti. Körüşüvde eyyet azaları da iştirak etti.  Beyaz Saraynıñ bildirgenine köre, prezidentler İran, Suriye, Venesuela ve Ukraina vaziyetlerini, em de silâ kontroli ve eki taraflı munasebetlerni muzakere ettiler. Haber etilgenine köre, eki lider ABD ve Rusiye arasındaki munasebetlerniñ eyilişmesi eki memleket ve bütün dünyağa kerek, dep añlaştılar.  Kreml Trump memuriyeti ile muzakere neticelerini şimdilik izaatlamadı. Keçken seneniñ soñunda Trump Buenos Airesta «Büyük yigirmi» sammitinde Putin ile keçirecek olğan körüşüvni lâğu etken soñ bu körüşüv ilk oldı. O vaqıt körüşüv işğal etilgen Qırım yalısında Rusiye sıñırcıları tarafından 24 ukrainalı deñizciniñ zapt etilüvi olğan edi. Bu müddet içinde prezidentler tek bir kere mayıs ayında telefonda laf etken ediler.  Trump ve Putinniñ birinci tolu formatlı körüşüvi 2018 senesi iyülniñ ortasında Helsinkide oldı. Eki taraf da muzakereler yahşı keçkenini qayd etken edi. 2018 senesi noyabr ayında eki memleketniñ liderleri Birinci cian cenki bitkeniniñ yüz yılı munasebetinen Parijde keçirilgen tedbirde qısqa körüşken ediler. https://ktat.krymr.com/a/trump-ve-putin-k%c3%b6r%c3%bc%c5%9f%c3%bcvde-ukraina-ve-i%cc%87rann%c4%b1-laf-ettiler/30026002.html https://ktat.krymr.com/a/trump-ve-putin-k%c3%b6r%c3%bc%c5%9f%c3%bcvde-ukraina-ve-i%cc%87rann%c4%b1-laf-ettiler/30026002.html Fri, 28 Jun 2019 11:45:51 +0300 HABERLERHABERLER Aqmescitte iyünniñ 28-nde ava bozulacaq, dep bildire Qırımdaki Rusiye Fevqulâde vaziyetler nazirliginiñ idaresi Qırımnıñ gidromettsentr malümatına esaslanıp.  «Yaqın 2-3 saatta ve iyünniñ 28-niñ soñuna qadar Aqmescitte küçlü sağanaq, boranlı yağmur, burçaq yağması, saniyede 20-25 metr süratlı yel esmesi beklenile», – dep aytıla haberde. Yaqın raatlıq künleri Qırımda ava suvuq olacaq, sağanaq, boranlı yağmur yağması ve şiddetli yel esmesi beklenile.  Furtuna havfı ve yüksek yanğın havfı qala, dep bildire Qırımnıñ gidromettsentri.  İyünniñ 24-nde Qırımda ava bozulğan edi. Yaltada bir qaç soqaq ve yerastı keçitni suv bastı, Aqmescitte ise elektrik naqil hatları bozulğanı içün şeerniñ bir qısmı ışıqsız qaldı. Qırımda iyünniñ 26-ndan 29-na qadar yanğın telükesi yüksek olğanından ateş yaqmağa yasaq etildi. https://ktat.krymr.com/a/aqmescitte-k%c3%bc%c3%a7l%c3%bc-sa%c4%9fanaq-ve-bur%c3%a7aq-ya%c4%9facaq-sinoptikler/30025662.html https://ktat.krymr.com/a/aqmescitte-k%c3%bc%c3%a7l%c3%bc-sa%c4%9fanaq-ve-bur%c3%a7aq-ya%c4%9facaq-sinoptikler/30025662.html Fri, 28 Jun 2019 10:10:38 +0300 HABERLERHABERLER Ukrainada iyünniñ 28-nde memleketniñ esas qanunı – Anayasa Künü qayd etile.  Ukraina prezidentiniñ ofisi Twitterde bildirgenine köre, bugün Bankovayada saksofoncı Vladimir Spirinniñ kontserti ötkerilecek. Tedbir saat 19:00-da başlaycaq. 1996 senesi iyün ayında Yuqarı Rada deputatları Ukraina Anayasasını qabul etken edi. Mustaqil memleket ilân etilgeninden beş yıl keçken edi. Millet vekilleri iyünniñ 27-nden 28-ne keçer gecesi çalıştı – toqtamayıp 23 saat devamında. Rey berüvde 315-i «ebet» dedi. Ukraina Anayasası künü – Ukrainanıñ devlet bayramıdır. Er yıl iyünniñ 28-nde Ukraina Anayasası qabul etilgen künü munasebetinen qayd etile.  Anayasağa köre, Ukraina – suveren ve mustaqil, içtimaiy ve uquqiy devlettir. Ukraina – unitar devlettir, onıñ sıñırları bütün ve toqunılmazdır. İnsan, onıñ ayatı ve sağlığı, namusı ve itibarı, toqunılmazlığı ve telükesizligi Ukrainada eñ yüksek içtimaiy qıymet dep sayıla. Ukrainanıñ devlet tili ukraince ola.  Ukraina prezidenti devlet suvereniteti, Ukrainanıñ topraq bütünligi, Ukraina Anayasası, insan ve vatandaş aqları ve serbestligine riayet etüvniñ kefilidir.    https://ktat.krymr.com/a/ukraina-anayasa-k%c3%bcn%c3%bcni-qayd-ete/30025639.html https://ktat.krymr.com/a/ukraina-anayasa-k%c3%bcn%c3%bcni-qayd-ete/30025639.html Fri, 28 Jun 2019 09:30:08 +0300 HABERLERHABERLER Avropa Birligi cumaaqşamı künü, iyünniñ 27-nde, Rusiyege qarşı iqtisadiy sanktsiyalarnıñ 2020 senesi yanvarniñ 31-ne qadar uzatılğanını resmiy şekilde ilân etti. Bu qararnı Avropa Birligi Şurası qabul etti, dep bildirile resmiy saytta, dep haber ete Azatlıq Radiosı.  Avropa Birligi Şurasınıñ matbuat hızmeti bildirgenine köre, sanktsiyalar Almaniya kantsleri Angela Merkel ve Frenkistan prezidenti Emmanuel Makron devlet yolbaşçıları ve ükümetlerge Minsk añlaşmalarınıñ yerine ketirilgenine dair malümat bergen soñ uzatıldı.  «Bundan soñ Avropa şurası Minsk añlaşmalarınıñ qullanıluvı ve taraflar arasında itibarnı ğayrıdan tiklev maqsadınen muzakere ğayretleriniñ acele ğayrıdan tiklenmesine çağırdı. AB liderleri Rusiyege qarşı iqtisadiy sanktsiyalarnı saqlap qalmağa razı oldı», – dep haber ete Avropa Birliginiñ resmiy saytı.  Avropa Birliginiñ aza memleketleri liderleri iyünniñ 20-nde Ukrainağa qarşı istilâ sebebinden Rusiyege qarşı sektoral iqtisadiy sanktsiyalarnı daa yarım yılğa uzatmağa qarar aldı.  Sektoral iqtisadiy sanktsiyalar Rusiye bankları ve şirketleriniñ Avropa Birligindeki sermiyanıñ birinci ve ekinci bazarları ile bağlarını sıñırlamaqta, silâ satışında ihrac ve italni yasaqlamaqta, arbiy qullanuv ya da Rusiyede arbiy alıcılar içün ekili qullanuv mallarınıñ ihracını yasaqlamaqta, em de cermaynı qazıp çıqaruv ve qıdıruvda qullanıla bilgen tehnologiya ve hızmetlerde Rusiyeni sıñırlamaqta.  İlk sefer bu sanktsiyalar 2014 senesi iyülniñ 31-nde Rusiyeniñ Ukrainadaki vaziyetni kerginleştirüv areketlerine qarşı cevap olaraq kirsetilgen ve 2014 senesi sentâbr ayında quvetleştirilgen edi. https://ktat.krymr.com/a/avropa-birligi-rusiyege-qar%c5%9f%c4%b1-sanktsiyalarn%c4%b1-resmiy-%c5%9fekilde-uzatt%c4%b1/30024563.html https://ktat.krymr.com/a/avropa-birligi-rusiyege-qar%c5%9f%c4%b1-sanktsiyalarn%c4%b1-resmiy-%c5%9fekilde-uzatt%c4%b1/30024563.html Thu, 27 Jun 2019 18:15:41 +0300 HABERLERHABERLER İşğal etilgen Qırımda Rusiye mahkemesi tarafından mahküm etilgen ve Rusiyeniñ Tver vilâyetindeki koloniyada tutulğan Volodımır Baluh kene açlıq ilân etti. Bu aqta Rusiye Apostol pravoslav kilsesiniñ yepiskopı, Sankt-Peterburg Aq qorçalayıcı şurasınıñ azası Grigoriy Mihnov-Vaytenko iyünniñ 27-nde Qırım.Aqiqatqa bildirdi. Onıñ aytqanına köre, Volodımır Baluh onıñ menfaatlarını temsil etmege başlağan advokat Daniil Berman ile körüşip, iyünniñ 25-nde açlıq ilân etkenini bildirdi.  Grigoriy Mihnov-Vaytenkonıñ Qırım.Aqiqatqa bildirgenine köre, Volodımır Baluh kameradaki suvuqnı şikâyet ete, anda 17 derece ola.  Baluh oña qalın urba berilmey, vitaminler ve «Psaltır» alındı, dep ayttı. Mihnov-Vaytenkonıñ aytqanına köre, Baluh onı koloniyada ziyaret etecek olğan Ukraina konsulı kirsetilmegenini ögrendi, çünki koloniya Baluhnıñ Ukraina vatandaşlığını tanımay.  Onıñ aytqanına köre, başta Volodımır Baluh «quru» açlıq tutacaq oldı, lâkin advokat iyünniñ 26-nda olğan körüşüvde eñ azından «sıñırlı suv» içmege qandırdı.  Qırım.Aqiqat ukrainalı faalniñ açlığına dair tafsilâtlı malümat almaq içün Volodımır Baluhnıñ advokatı ile bağlanmağa tırışa.  Baluhnıñ açlığı aqqında malümat cumaaqşamı künü Rusiye kütleviy haber vastaları tarafından da derc etildi.  Bir qaç kün evelsi ukrainalı faal Volodımır Baluh Tver vilâyetiniñ koloniyasındaki ceza izolâtorına qapatıldı. Daa evel Baluhnı ceza izolâtorına avuştırğanda anda o, aman-aman eki ay bulundı. Soñra onı apishane hastahanesine avuştırğan ediler. Volodımır Baluh – qırımlı çiftçi, ukrainalı cemaat faali, Ukrain milletçileri kongressiniñ azası. Rusiye Qırımnı ilhaq etken soñ Rusiye vatandaşlığından vazgeçti. 2013 senesi qışta evinde Ukraina bayrağını astı, daa soñra «Sema Yüzü qaramanları soqağı» levhasını tikledi. 2016 senesiniñ soñunda Volodımır Baluhnı Rusiye FSBsiniñ hadimleri tutıp aldı. Olar Baluh yaşağan evniñ çardaqında 90 patron ve bir qaç trotil taş tapılğanını bildirgen edi. Rusiye kontrolindeki Qırım mahkemesi onı 5 yılğa azatlıqtan marum etti – eki cinaiy dava boyunca: silâ saqlaması ve «Aqşeyh vaqtınca tutuv izolâtorınıñ yolbaşçısını köteklev» dep adlandırılğan adise. Baluh qabaatını tanımayıp, açlıqqa başlağan edi. Baluhnıñ imayesi ve aq qorçalayıcıları onıñ Ukrainağa qoltutqanı içün repressiyalarnıñ qurbanı oldı, dep tüşüneler. «Memorial» aq qorçalayıcı merkezi Volodımır Baluhnı siyasiy mabüs olaraq tanıdı. https://ktat.krymr.com/a/ukrainal%c4%b1-faal-baluh-koloniyada-kene-a%c3%a7l%c4%b1q-il%c3%a2n-etti-rusiye-yepiskop%c4%b1/30025609.html https://ktat.krymr.com/a/ukrainal%c4%b1-faal-baluh-koloniyada-kene-a%c3%a7l%c4%b1q-il%c3%a2n-etti-rusiye-yepiskop%c4%b1/30025609.html Thu, 27 Jun 2019 16:30:10 +0300 HABERLERHABERLER Kyivde iyünniñ 26-nda Qırımtatar bayraq künü merasimi çerçivesinde 40 metrlik altın tamğalı kök bayraq açıldı. Qırım.Aqiqat mühbiriniñ bildirgenine köre, bayraqnı 100-ge yaqın insan taşıdı.  Kyivde Qırımtatar bayraq kününe bağışlanğan avtoyürüş ve vatanperverlik yürüşi keçirildi. Avtokolonna İgor Sıkorskıy Kyiv politehnik universitetiniñ baş binası yanında şekillendi. Maşinalarına qırımtatar ve Ukraina bayraqlarını bağlağan kolonna Kyivniñ merkeziy Hreşçatık soqağına yol aldı.  Kolonna ögünde de farqlı memleketlerden kelgen göñülliler dünyanıñ 28 memleketinde olğan qırımtatar bayrağını taşıdı. Meydan tarafına vatanperverlik yürüşi başlağan soñ olarğa avtoyürüş qoşuldı. Olar miting keçirilgen yerge qadar beraber kettiler. «Soñki 5 yıl devamında bizim içün – bu (qırımtatar bayrağı – QA) tek birligimizniñ timsali degil, qırımtatar aslımıznıñ timsallerinden biridir. Vatanımızğa serbest saip çıqamayıq, çünki anda işğalciler bar. Şu sebepten cümlemiz bayraq etrafında toplaşamız, tek Ukrainada degil, bütün dünyada», – dep qayd etti Qırımtatar Milliy Meclisiniñ reisi Refat Çubarov. İyünniñ 26-nda qırımtatarlar Milliy bayraq kününi qayd ete. Bayram künü olaraq 1991 senesi iyünniñ 26-27-nde Aqmescitte ötkerilgen ekinci Qırımtatar Milliy Qurultayınıñ birinci künü saylânğan edi. Qırımtatar bayrağı üzerinde altın renkli tamğa tasvir etilgen kök renkli bir bayraqtır. Qırımda, esas Ukrainada ve dünyanıñ diger memleketlerinde bayram tedbirleriniñ keçirilmesi planlaştırıla. https://ktat.krymr.com/a/kyivni%c3%b1-merkezinde-40-metrlik-q%c4%b1r%c4%b1mtatar-bayra%c4%9f%c4%b1-a%c3%a7%c4%b1ld%c4%b1-(-foto)/30022244.html https://ktat.krymr.com/a/kyivni%c3%b1-merkezinde-40-metrlik-q%c4%b1r%c4%b1mtatar-bayra%c4%9f%c4%b1-a%c3%a7%c4%b1ld%c4%b1-(-foto)/30022244.html Wed, 26 Jun 2019 21:00:58 +0300 HABERLERHABERLER Estoniya, Gürcistan, Latviya, Litvaniya, Poloniya, Slovakiya ve Ukraina eyyetleri Avropa Şurası Parlament assambleyasında Rusiye eyyetine qarşı bütün sanktsiyalar lâğu etilgen soñ toplaşuv salonını terk ettiler. Bu aqta Azatlıq Radiosı bildire.  «Kelecek sessiyalarda assambleyada yapacaq areketlerimizni parlament ve ükümetlerimiznen muzakere etmek içün evge qaytamız», – dep aytıla PACE deputatlarınıñ umumiy beyanatında.  Avropa Şurası Parlament assambleyası iyünniñ 26-nda Rusiye eyyetini sanktsiyalarsız qaytarmağa qarar aldı.  Avropa Şurası Parlament assambleyası iyünniñ 25-ne keçer gecesi keçirilgen toplaşuvında PACE qaidelerini deñiştirgen ve sanktsiyalarnı qullanuv tertibini, hususan Rusiyege qarşı, qıyınlaştırğan qararğa qoltuttı. Buña 118 PACE azası rey berdi, 62-si qarşı çıqtı, 10-u bitaraf qaldı. Ukraina prezidenti Volodımır Zelenskıy Avropa Şurası Parlament assambleyasınıñ Rusiyeden esir tutulğan ukrainalı deñizcilerni qaytarmasını nasıl talap etecegini «körmege istey», dep bildirdi. Bu aqta o, iyünniñ 25-nde PACEniñ Rusiyeniñ rey aqqını ğayrıdan tiklemek qararını izaatlap ayttı. Qırımtatar Milliy Meclisiniñ reisi Refat Çubarov PACEniñ Rusiye qararı sebebinden Mustaqillik Meydanında umummilliy toplaşuv keçirmege çağıra. Rusiye eyyeti Assambleya sessiyalarında 2015 senesi yanvar ayından itibaren, eyyetniñ vekâletleri ciddiy şekilde sıñırlanğan soñ, iştirak etmey.  Ukraina aq qorçalayıcılarınıñ fikirince, Rusiye eyyeti Avropa Şurası Parlament assambleyasına qaytsa, Rusiyeniñ teşkilât talaplarına riayet etmegen taqdirde bu devletlerara teşkilâtnıñ «ahlâqiy teslimiyeti» olacaq. Bu aqta aq qorçalayıcı teşkilâtlarınıñ PACE tertip, immunitet ve qurulış işleri komitetine, Avropa Şurası iştirakçi memleketleriniñ milliy eyyetlerine yapqan açıq muracaatında aytıla.  Muracaatqa 12 ukrain aq qorçalayıcı teşkilâtı, şu cümleden «Vatandaş serbestligi merkezi», «Kreml siyasiy mabüsleri soy-soplarınıñ birleşmesi», «KrımSOS», «Qırım aq qorçalayıcı gruppası», «İnsan aqları media teşebbüsi» qoltuttı. https://ktat.krymr.com/a/ukraina-ve-daa-alt%c4%b1-memleketni%c3%b1-eyyetleri-rusiye-rey-ber%c3%bcvinden-so%c3%b1-paceni-terk-etti/30022196.html https://ktat.krymr.com/a/ukraina-ve-daa-alt%c4%b1-memleketni%c3%b1-eyyetleri-rusiye-rey-ber%c3%bcvinden-so%c3%b1-paceni-terk-etti/30022196.html Wed, 26 Jun 2019 20:50:39 +0300 HABERLERHABERLER Ukraina prezidenti Volodımır Zelenskıy qırımtatarlarnı Qırımtatar bayraq kününen tebrikledi. Bu aqta Ukraina devlet yolbaşçısınıñ hayırlav mektübinde aytıla. Onı Qırımtatar Milliy Meclisiniñ reisi Refat Çubarov derc etti.  «Rusiyeniñ Qırım yarımadası – qırımtatar halqınıñ vatanınıñ – işğali şaraitlerinde bu kün daa da aktual oldı. Rusiye insan aqları ve serbestligini bozıp, milliy ve diniy sebeplerden ayırım kerçekleştirip, onıñ kimligini yoq etecek ola», – dep aytıla Zelenskıynıñ metninde.  Onıñ qayd etkenine köre, #LiberateCrimea halqara aktsiyası sayesinde daa çoq insan onı qırımtatar halqınen bağlaycaq. Mezkür aktsiya çerçivesinde qırımtatar bayrağı dünyanı dolaştı. «Bayraqta dünyanıñ çeşit köşelerinde yazılğan qoltutuv ve tilek sözleri Qırım Ukraina olğanını daa bir kere isbatlay», – dep aytıla Ukraina prezidentiniñ hayırlav metninde. Bugün Qırımda Qırımtatar bayraq kününe bağışlanğan avtoyürüş devam ete. Faaller marafonnıñ üçünci kününi Kefede başladı, o, aqşam Aq Qayada yekünlenecek. Avtoyürüş çerçivesinde faaller meskün yerlerniñ adları ile levhalarnı vaqtınca deñiştire. Sızılğan rus yazı üstüne qırımtatarca tarihiy ad qoyula. Qırım.Aqiqat mühbiriniñ bildirgenine köre, Rusiye quvetçileri avtoyürüş iştirakçilerini toqtata. Rusiye politsiyası bu malümatnı izaatlamay. İyünniñ 26-nda qırımtatarlar Milliy bayraq kününi qayd ete. Bayram künü olaraq 1991 senesi iyünniñ 26-27-nde Aqmescitte ötkerilgen ekinci Qırımtatar Milliy Qurultayınıñ birinci künü saylânğan edi. Qırımtatar bayrağı üzerinde altın renkli tamğa tasvir etilgen kök renkli bir bayraqtır. Qırımda, esas Ukrainada ve dünyanıñ diger memleketlerinde bayram tedbirleriniñ keçirilmesi planlaştırıla. https://ktat.krymr.com/a/prezident-zelensk%c4%b1y-q%c4%b1r%c4%b1mtatarlarn%c4%b1-q%c4%b1r%c4%b1mtatar-bayraq-k%c3%bcn%c3%bcnen-tebrikledi/30022186.html https://ktat.krymr.com/a/prezident-zelensk%c4%b1y-q%c4%b1r%c4%b1mtatarlarn%c4%b1-q%c4%b1r%c4%b1mtatar-bayraq-k%c3%bcn%c3%bcnen-tebrikledi/30022186.html Wed, 26 Jun 2019 19:20:18 +0300 HABERLERHABERLER Ukraina prezidenti Volodımır Zelenskıynıñ memuriyeti Ukraina prezidentiniñ Qırım Muhtar Cumhuriyetindeki daimiy vekili vazifesine Anton Korineviçni tayin etüv meselesinde Qırımtatar Milliy Meclisiniñ reisi Refat Çubarovnen aqıl tanışmadı. Bu aqta Çubarov iyünniñ 26-nda Qırım.Aqiqatqa tarif etti. «Vekilniñ tayin etilüvini kütleviy haber vastalarından eşittim. Prezident memuriyetinden iç kimse bu mevzuda mennen, Qırımtatar Milliy Meclisiniñ reisinen, aqıl tanışmadı. Tayinlengen vekilni men, ne yazıq ki, tanımayım, şu sebepten onıñ faaliyetinden ne beklegenimni aytıp olamayım. Bundan evel çalışqan saada onıñ aqqında yahşı sesleneler, dep bilem», – dedi Çubarov.  Meclis reisiniñ aytqanına köre, temsilcilik rolü Qırım meselelerinde müim rol oynay bile.  «Qırım işğal altında olğanda daimiy temsilcilikniñ faaliyeti, temsilcilikniñ rolü pek yüksek olmalı, çünki Ukraina icra akimiyetiniñ Qırımnen bağlı meselelerde tam koordinatsiyası yoq. Böyle olacaqmı? Aytması qıyın», – dedi o.  Qırım.Aqiqat prezidentniñ matbuat kâtibi Yuliya Mendel ile bağlanmağa tırıştı, lâkin haber derc etilgende tefsir daa yoq edi.  İyünniñ 25-nde Ukraina prezidenti Volodımır Zelenskıy Anton Korineviçni Ukraina prezidentiniñ Qırım Muhtar Cumhuriyetindeki daimiy vekili vazifesine tayin etti. Anton Korineviç – uquq ilimleri namzeti, dotsent, Taras Şevçenko Kyiv milliy universiteti Halqara munasebetler institutınıñ halqara uquq kafedrasınıñ dotsentidir. Qırım.Aqiqat Radiosınıñ yayınlarında iştirak etken edi. Petro Poroşenko 2018 senesi dekabrniñ 2-nde Boris Babinni Ukraina prezidentiniñ Qırım Muhtar Cumhuriyetindeki daimiy vekili vazifesinden boşatuv fermanını imzaladı. Vesiqada aytılğanı kibi, Babin «bergen istifa arizası esasında» işten boşatıldı. Ukraina prezidentiniñ Qırımdaki daimiy vekiliniñ birinci muavini İzet Gdanov vazifelerini yapmağa devam etti. https://ktat.krymr.com/a/%c3%a7ubarov-ukraina-prezidentini%c3%b1-q%c4%b1r%c4%b1m-ya%c3%b1%c4%b1-daimiy-vekilini%c3%b1-tayinlenmesi-meselesinde-meclisnen-aq%c4%b1l-tan%c4%b1%c5%9fqan-olmad%c4%b1/30022174.html https://ktat.krymr.com/a/%c3%a7ubarov-ukraina-prezidentini%c3%b1-q%c4%b1r%c4%b1m-ya%c3%b1%c4%b1-daimiy-vekilini%c3%b1-tayinlenmesi-meselesinde-meclisnen-aq%c4%b1l-tan%c4%b1%c5%9fqan-olmad%c4%b1/30022174.html Wed, 26 Jun 2019 18:10:08 +0300 HABERLERHABERLER Qırımda Canköy-Aqmescit yolunda Rusiye politsiyasınıñ hadimleri Qırımtatar bayraq kününe bağışlanğan avtoyürüş iştirakçilerini bir saat içinde dördünci kere toqtattı.  Qırım.Aqiqat mühbiriniñ bildirgenine köre, ilk üç kere aktsiya iştirakçilerini Rusiye yol-patrul hızmetiniñ hadimleri toqtatıp, vesiqalarnı teşkerdi, bir de bir bozuv aqqında aytılmağan edi.  Dördünci kere toqtatqanda politsiya hadimleri bir de bir bozuv olmağanını tasdıqlamaq içün aktsiya iştirakçileriniñ vesiqalarını teşkerdi. Politsiya hadimleri video çıqardı. Faaller Rusiye uquq qoruyıcı organları qarşı areket ete, dep bildirgen edi. Bugün Qırımda Qırımtatar bayraq kününe bağışlanğan avtoyürüş devam ete. Faaller marafonnıñ üçünci kününi Kefede başladı, o, aqşam Aq Qayada yekünlenecek.  Avtoyürüş çerçivesinde faaller meskün yerlerniñ adları ile levhalarnı vaqtınca deñiştire. Sızılğan rus yazı üstüne qırımtatarca tarihiy ad qoyula.  Aktsiya iyünniñ 24-nde başladı. Bir qaç kün içinde marafon iştirakçileri 30-ğa yaqın meskün yerni dolaştı.  Rusiye uquq qoruyıcı organlarınıñ vekilleri bu malümatnı açıq sürette daa izaatlamadı.  Daa evel haber etilgeni kibi, Rusiye kontrolindeki Aqmescit rayonınıñ prokuraturası qırımtatar faali Nariman Celâlnı Qırımtatar bayraq künü arfesinde «ekstremist faaliyeti» aqqında tenbiledi. İyünniñ 26-nda qırımtatarlar Milliy bayraq kününi qayd ete. Bayram künü olaraq 1991 senesi iyünniñ 26-27-nde Aqmescitte ötkerilgen ekinci Qırımtatar Milliy Qurultayınıñ birinci künü saylânğan edi. Qırımtatar bayrağı üzerinde altın renkli tamğa tasvir etilgen kök renkli bir bayraqtır. Qırımda, esas Ukrainada ve dünyanıñ diger memleketlerinde bayram tedbirleriniñ keçirilmesi planlaştırıla. https://ktat.krymr.com/a/rusiye-politsiyas%c4%b1-q%c4%b1r%c4%b1mtatar-bayraq-k%c3%bcn%c3%bcne-ba%c4%9f%c4%b1%c5%9flan%c4%9fan-avtoy%c3%bcr%c3%bc%c5%9f-i%c5%9ftirak%c3%a7ileri-toqtata/30022023.html https://ktat.krymr.com/a/rusiye-politsiyas%c4%b1-q%c4%b1r%c4%b1mtatar-bayraq-k%c3%bcn%c3%bcne-ba%c4%9f%c4%b1%c5%9flan%c4%9fan-avtoy%c3%bcr%c3%bc%c5%9f-i%c5%9ftirak%c3%a7ileri-toqtata/30022023.html Wed, 26 Jun 2019 17:30:53 +0300 HABERLERHABERLER Qırımda Qırımtatar bayraq kününe bağışlanğan avtoyürüş devam ete. Qırım.Aqiqat mühbiri haber etkenine köre, faaller marafonnıñ üçünci kününi Kefede başladı, o, aqşam Aq Qayada yekünlenecek. Avtoyürüş çerçivesinde faaller meskün yerlerniñ adları ile levhalarnı vaqtınca deñiştire. Sızılğan rus yazı üstüne qırımtatarca tarihiy ad qoyula. Aktsiya iyünniñ 24-nde başladı. Bir qaç kün içinde marafon iştirakçileri 30-ğa yaqın meskün yerni dolaştı. Faaller Rusiye uquq qoruyıcı organları qarşı areket ete, dep bildirgen edi. «İslâm-Terek qasabasına yaqınlaşqanda dostlarımız kirişte bizni yol-patrul hızmetiniñ hadimleri bekley, dep bildirdi. Ne içün bizlerni bekleyler daa soñra belli oldı. Yol-patrul hızmetiniñ hadimleri qara yolsuzlıq maşinalarını toqtata eken, biz ise böyle maşinalarnen yüremiz», – dep tarif etti faal Nariman Celâl. Rusiye uquq qoruyıcı organlarınıñ vekilleri bu malümatnı açıq sürette daa izaatlamadı.  Daa evel haber etilgeni kibi, Rusiye kontrolindeki Aqmescit rayonınıñ prokuraturası qırımtatar faali Nariman Celâlnı Qırımtatar bayraq künü arfesinde «ekstremist faaliyeti» aqqında tenbiledi. İyünniñ 26-nda qırımtatarlar Milliy bayraq kününi qayd ete. Bayram künü olaraq 1991 senesi iyünniñ 26-27-nde Aqmescitte ötkerilgen ekinci Qırımtatar Milliy Qurultayınıñ birinci künü saylânğan edi. Qırımtatar bayrağı üzerinde altın renkli tamğa tasvir etilgen kök renkli bir bayraqtır. Qırımda, esas Ukrainada ve dünyanıñ diger memleketlerinde bayram tedbirleriniñ keçirilmesi planlaştırıla. https://ktat.krymr.com/a/q%c4%b1r%c4%b1mda-q%c4%b1r%c4%b1mtatar-bayraq-k%c3%bcn%c3%bcne-ba%c4%9f%c4%b1%c5%9flan%c4%9fan-avtoy%c3%bcr%c3%bc%c5%9f-devam-ete-(-video)/30022048.html https://ktat.krymr.com/a/q%c4%b1r%c4%b1mda-q%c4%b1r%c4%b1mtatar-bayraq-k%c3%bcn%c3%bcne-ba%c4%9f%c4%b1%c5%9flan%c4%9fan-avtoy%c3%bcr%c3%bc%c5%9f-devam-ete-(-video)/30022048.html Wed, 26 Jun 2019 15:20:56 +0300 HABERLERHABERLER Qırımnıñ Rusiye parlamenti üyle vaqtında ses-şamata kötermege yasaq etti. Qanun leyhası birden eki oquvda iyünniñ 26-nda parlament toplaşuvında qabul etildi.  «İşbu qanun leyhasını azırlav sebebi Qırımda vatandaşlarnıñ tınçlığı ve raatlığını teminlevnen bağlı munasebetlerni belgilegen Qırım qanunlarına kirsetilecek deñişmelerge dair vatandaşlarnıñ muracaatları oldı», – dep aytıla qanun leyhasınıñ izaatında. Yañı qaidelerge köre, tınçlıq vaqtı saat 22.00-da başlap 8.00-ğa qadar ve 13.00-dan 14.00-ğa qadar devam ete.  Rejimni bozğanlar içün ceza deñişmedi: vatandaşlar içün 500-den 1000 rublege qadar, şirketler içün 2 biñden 5 biñ rublege qadar.  Bundan evel tınçlıq saat 23.00-da başlap saat 7.00-ğa qadar devam etken edi.  Yaltanıñ Rusiye memuriyeti yolbaşçısı Aleksey Çelpanov şeer merkezinde şamatanı ölçemege vazife bergen edi. https://ktat.krymr.com/a/q%c4%b1r%c4%b1m-parlamenti-%c3%bcyle-vaqt%c4%b1nda-%c5%9famata-%c3%a7%c4%b1qarma%c4%9fa-yasaq-etti/30022056.html https://ktat.krymr.com/a/q%c4%b1r%c4%b1m-parlamenti-%c3%bcyle-vaqt%c4%b1nda-%c5%9famata-%c3%a7%c4%b1qarma%c4%9fa-yasaq-etti/30022056.html Wed, 26 Jun 2019 14:40:51 +0300 HABERLERHABERLER Qırımda Qırımtatar bayraq kününe bağışlanğan avtoyürüş keçirile. Faaller Bağçasaray yaqınlarında töpege köterilip, yarımadanıñ Mamaşay (Orlovka), Küçük Özen (Maloreçenskoye), Üsküt (Privetnoye) köylerini dolaşıp çıqtı. Marafonnıñ üçünci künü Kefede keçirilip, Qarasuvbazardaki Aq Qayada yekünlenecek. Qırımda, esas Ukrainada ve dünyanıñ diger memleketlerinde bayram tedbirleriniñ keçirilmesi planlaştırıla. Kyivde sergi açılışı, avtoyürüş, bala resimleri yarışı, spikerlerniñ çıqışları, Hreşçatıkta tantanalı yürüş, Mustaqillik Meydanında miting ve diger tedbirler olacaq. Qırımda işğalci Rusiye akimiyeti ve mustaqil qırımtatar faalleriniñ tedbirleri keçirilecek. https://ktat.krymr.com/a/q%c4%b1r%c4%b1m-boyunca-tam%c4%9fanen-(video)/30022029.html https://ktat.krymr.com/a/q%c4%b1r%c4%b1m-boyunca-tam%c4%9fanen-(video)/30022029.html Wed, 26 Jun 2019 14:35:00 +0300 VİDEOMULTİMEDİAVİDEO Qırımtatar faali, aq qorçalayıcı, Yaltadaki «Hizb ut-Tahrir davasınıñ» mabüsi Emir-Usein Kuku çarşenbe künü, iyünniñ 26-nda, 43 yaşını toldurdı. Öz doğğan kününde Kuku Rostov-na-Donunıñ SİZOsında buluna. «Bugün daa bir semetdeşimiz aile yanında tuvğanları ve yaqınlarından hayırlavlarnı alıp olamay… «Qırım birdemligi» cemaat birleşmesi adından Emir-Useinni tebriklep, metanet ve sabır tileymiz. Bütün bu vaqıt devamında semetdeşlerimiz yaqın vaqıtta qorantalarına qaytıp, tuvğan insanlarını qayğıracaq, balalarınıñ muvafaqiyetlerine quvanacaq ve olarğa baba sevgisi ve diqqatını bağışlaycaqlar, dep ümüt etemiz», – dep hayırladı Emir-Usein Kukunı «Qırım birdemligi» cemaat birleşmesi. Qırımlı aq qorçalayıcı Emir-Usein Kuku Yaltada 2016 senesi tutulğan edi. Rusiye tahqiqatı onı Rusiyede yasaqlanğan «Hizb ut-Tahrir» islâm siyasiy teşkilâtı ile alâqaları bar olğanında qabaatladı. Rusiye arbiy mahkemesi Yaltadaki «Hizb ut-Tahrir davasını» Aqmescitte çıqış oturışuvlarında baqqan edi, soñra apiske alınğan qırımlılar, şu cümleden Kuku, Rostov-na-Donuğa avuştırıldı. Al-azırda Kuku Rostov-na-Donu SİZOsında apiste buluna. «Hizb ut-Tahrir işi» boyunca apiske alınğan ve mahküm etilgenlerniñ imayecileri olarnıñ taqip etilmesi diniy sebeplernen bağlı olğanını tüşüne. Advokatlar qayd etkenine köre, Rusiye uquq qoruyıcı organları tarafından bu dava boyunca taqip etilgenler – ekseriyeti qırımtatarlar ve ukrain, rus, tacik, azeri ve islâm dinini kütken diger millet vekilleri. Halqara uquq işğal etilgen topraqlarda işğalci devlet qanunlarını kirsetmege yasaqlay. «Hizb ut-Tahrir» halqara islâm siyasiy teşkilâtı, bütün musulman devletleriniñ islâm halifeligine birleştirilmesini öz maqsadı olğanını ayta, amma olar, bu maqsatqa irişmek içün terroristik usullarnı red ete ve Rusiyede adaletsiz taqip etilgenini ayta. Rusiye Yuqarı mahkemesi 2003 senesi «Hizb ut-Tahrir» teşkilâtını 15 «terrorist» birleşme cedveline kirsetip, onı yasaq etti. https://ktat.krymr.com/a/q%c4%b1r%c4%b1mtatar-faali-ve-aq-qor%c3%a7alay%c4%b1c%c4%b1s%c4%b1-emir-usein-kuku-43-%c3%bcnci-do%c4%9f%c4%9fan-k%c3%bcn%c3%bcni-qayd-ete/30021988.html https://ktat.krymr.com/a/q%c4%b1r%c4%b1mtatar-faali-ve-aq-qor%c3%a7alay%c4%b1c%c4%b1s%c4%b1-emir-usein-kuku-43-%c3%bcnci-do%c4%9f%c4%9fan-k%c3%bcn%c3%bcni-qayd-ete/30021988.html Wed, 26 Jun 2019 13:41:02 +0300 HABERLERHABERLER Halqara uquqçı, Kyiv halqara munasebetler institutınıñ ocası Anton Korineviç Ukraina prezidentiniñ Qırım Muhtar Cumhuriyetindeki daimiy vekili vazifesine tayin etildi. Bu aqta iyünniñ 25-nde prezident temsilciliginiñ resmiy saytında derc etilgen №454/2019 Ukraina prezidentiniñ buyruğında aytıla.  Anton Korineviç – uquq ilimleri namzeti, dotsent, Taras Şevçenko Kyiv milliy universiteti Halqara munasebetler institutınıñ halqara uquq kafedrasınıñ dotsentidir. Qırım.Aqiqat Radiosınıñ yayınlarında iştirak etken edi.  Petro Poroşenko 2018 senesi dekabrniñ 2-nde Boris Babinni Ukraina prezidentiniñ Qırım Muhtar Cumhuriyetindeki daimiy vekili vazifesinden boşatuv fermanını imzaladı. Vesiqada aytılğanı kibi, Babin «bergen istifa arizası esasında» işten boşatıldı. Ukraina prezidentiniñ Qırımdaki daimiy vekiliniñ birinci muavini İzet Gdanov vazifelerini yapmağa devam etti. https://ktat.krymr.com/a/volod%c4%b1m%c4%b1r-zelensk%c4%b1y-ukraina-prezidentini%c3%b1-q%c4%b1r%c4%b1m-muhtar-cumhuriyetindeki-ya%c3%b1%c4%b1-daimiy-vekilini-tayinledi/30021809.html https://ktat.krymr.com/a/volod%c4%b1m%c4%b1r-zelensk%c4%b1y-ukraina-prezidentini%c3%b1-q%c4%b1r%c4%b1m-muhtar-cumhuriyetindeki-ya%c3%b1%c4%b1-daimiy-vekilini-tayinledi/30021809.html Wed, 26 Jun 2019 12:50:17 +0300 HABERLERHABERLER Zaporijjâda Festivalnaya meydanında iyünniñ 26-nda Qırımtatar bayraq künü munasebetinen aktsiya keçirildi. Bu aqta Azatlıq Radiosınıñ mühbiri haber ete.  Tedbir iştirakçileri Qırımdaki vaziyetni hatırlatmaq ve qırımtatarlarğa qoltutmaq içün keçken insanlarğa qırımtatar bayraqlarını berdi.  Faaller şeerniñ merkezindeki bayraq tayağında qırımtatar bayrağını köterdi. Zaporijjâ merkezinde bayraq kün boyunca dalğalanacaq.  «Men özüm qırımlım, qırımtatarlarğa vatanlarına qaytmağa imkân berilgen 1988 senesinden berli ayatım olarnen sıqı bağlı. Mında köçip, qırımtatarlar keçirgen bütün aktsiyalarğa qoşulam. Bugün qırımtatar bayraq künü ve bütün dünya bu künni qayd ete. Qırım Ukraina olğanını hatırlatamız, işğal erte ya da keç biter ve er şey yahşı olacaq», – dep ayttı aktsiya teşkilâtçılarından biri, qırımlı Natalya. İyünniñ 26-nda qırımtatarlar Milliy bayraq kününi qayd ete. Bayram künü olaraq 1991 senesi iyünniñ 26-27-nde Aqmescitte ötkerilgen ekinci Qırımtatar Milliy Qurultayınıñ birinci künü saylânğan edi. Qırımtatar bayrağı üzerinde altın renkli tamğa tasvir etilgen kök renkli bir bayraqtır. Qırımda, esas Ukrainada ve dünyanıñ diger memleketlerinde bayram tedbirleriniñ keçirilmesi planlaştırıla. https://ktat.krymr.com/a/zaporijj%c3%a2-merkezinde-q%c4%b1r%c4%b1mtatar-milliy-bayra%c4%9f%c4%b1-k%c3%b6terildi-(-foto)/30021232.html https://ktat.krymr.com/a/zaporijj%c3%a2-merkezinde-q%c4%b1r%c4%b1mtatar-milliy-bayra%c4%9f%c4%b1-k%c3%b6terildi-(-foto)/30021232.html Wed, 26 Jun 2019 11:55:03 +0300 HABERLERHABERLER Tuğra leyhasınıñ yañı yayını iyünniñ 26-nda qayd etilgen Qırımtatar bayraq kününe bağışlana. Bugün qırımtatar bayrağını er bir ukrainalı bile, lâkin otuz yıl evelsi onı tek sürgünlikte kimligini saqlap olğan qırımtatarlar bile edi. Bugünki bayraq 1917 senesi Birinci Qırımtatar Milliy Qurultayında tasdıqlanğan edi. Esas örnegi olaraq Geraylar sülâlesiniñ tamğası saylandı. Taraq tamğa terazeni ifadelemekte. Oktâbr inqilâbından soñ dört yıl keçkeninen qırımtatar bayrağı milliy-burjua, yani sovetlerge qarşı oldı. 1944 senesi bayraq yasaq etildi: sovetler qırımtatarlarnı satqın dep adlandırdı. 1999 senesi Ekinci Qurultayda taraq tamğa kene milliy bayraq statusını aldı. Rusiyeniñ Qırım işğalinden soñ bayraq qırımtatarlarnıñ tirenüv timsali oldı. https://ktat.krymr.com/a/30021326.html https://ktat.krymr.com/a/30021326.html Wed, 26 Jun 2019 09:43:00 +0300 VİDEOMULTİMEDİAVİDEO Qırımtatarlar çarşenbe künü, iyünniñ 26-nda, Milliy bayraq kününi qayd ete.  Qırımda, esas Ukrainada ve dünyanıñ diger memleketlerinde bayram tedbirleriniñ keçirilmesi planlaştırıla.  Kyivde sergi açılışı, avtoyürüş, bala resimleri yarışı, spikerlerniñ çıqışları, Hreşçatıkta tantanalı yürüş, Mustaqillik Meydanında miting ve diger tedbirler olacaq. Paytahtta olacaq merasimlerniñ tolu cedveli mında bar. Qırımda işğalci Rusiye akimiyeti ve mustaqil qırımtatar faalleriniñ tedbirleri keçirilecek.  Daa evel haber etilgeni kibi, Rusiye kontrolindeki Aqmescit rayonınıñ prokuraturası qırımtatar faali Nariman Celâlnı Qırımtatar bayraq künü arfesinde «ekstremist faaliyeti» aqqında tenbiledi. İyünniñ 26-nda qırımtatarlar Milliy bayraq kününi qayd ete. Bayram künü olaraq 1991 senesi iyünniñ 26-27-nde Aqmescitte ötkerilgen ekinci Qırımtatar Milliy Qurultayınıñ birinci künü saylânğan edi. Qırımtatar bayrağı üzerinde altın renkli tamğa tasvir etilgen kök renkli bir bayraqtır. https://ktat.krymr.com/a/q%c4%b1r%c4%b1mtatarlar-milliy-bayraq-k%c3%bcn%c3%bcni-qayd-ete/30021172.html https://ktat.krymr.com/a/q%c4%b1r%c4%b1mtatarlar-milliy-bayraq-k%c3%bcn%c3%bcni-qayd-ete/30021172.html Wed, 26 Jun 2019 08:40:05 +0300 HABERLERHABERLER