પ્રસ્તુત છે WhatsAppની ડેસ્કટોપ ઍપ

આજે, અમે ડેસ્કટોપ ઍપ પ્રસ્તુત કરી રહ્યા છીએ, જેથી તમારી પાસે કોઈ પણ સમયે અને ગમે ત્યાં સંપર્કમાં રહેવાની નવી રીત હોય - પછી ભલેને તે તમારા ફોન પર અથવા ઘરે અથવા કામકાજના સ્થાનમાં કમ્પ્યુટર પર હોય. WhatsApp વેબની જેમ, અમારી ડેસ્કટોપ ઍપ બસ તમારા ફોનનું એક્સટેન્શન જ છે: ઍપ, તમારા મોબાઇલ ડિવાઇસની વાતચીતો અને મેસેજને પ્રતિબિંબિત કરે છે.

નવી ડેસ્કટોપ ઍપ Windows 8+ અને Mac OS 10.9+ માટે ઉપલબ્ધ છે અને તમારા મોબાઇલ ડિવાઇસ પરના WhatsApp સાથે સિંક કરાયેલી છે. ઍપ તમારા ડેસ્કટોપ પર નેટિવ રીતે (મૂળ સ્વરૂપમાં) ચાલતી હોવાને લીધે, તમે નેટિવ ડેસ્કટોપ નોટિફિકેશન, વધુ સારા કીબોર્ડ શોર્ટકટ અને વધુ બાબતોનો સપોર્ટ ધરાવશો.

ઍપ ડાઉનલોડ કરવા માટે, તમારા ડેસ્કટોપ બ્રાઉઝર પરથી https://www.whatsapp.com/downloadની મુલાકાત લો. તે પછી, ઍપને ખોલો અને તમારા ફોન પર રહેલી WhatsApp ઍપનો ઉપયોગ કરીને QR કોડને સ્કેન કરો (સેટિંગ હેઠળ WhatsApp વેબ મેનૂને શોધો).

WhatsApp વેબની જેમ જ, નવી ડેસ્કટોપ ઍપ તમને તમારો ફોન તમારા ખિસ્સામાં રહે ત્યારે મિત્રો અને કુટુંબીજનોની સાથે મેસેજની આપલે કરવા દે છે.