Za tych napórany, kótarež twarje web
Jadnučki wobglědowak, kótaryž jo se za wuwijarjow ako wy napórał.
Wuwijarska edicija Firefox sćelo awtomatiski Mozilla komentary. Dalšne informacije
-
Za wuwijarjow nacerjony
Ako jadnučki wobglědowak, kótaryž jo se jano za wuwijarjow wuwił, jo se wuwijarska edicija Firefox źiwajucy na waš źěłowy wótběg napórał. Wuwijanje, testowanje, pśiměrjenje a wěcej, wšykno z jadnogo městna, nejprědnjejšy raz.
-
Zmólki we wobglědowaku pytaś
Pśeglědujśo swójo nałoženje we wobglědowaku abo na rěźe a pśepytujśo jo za zmólkami z Valence — mócnym, pśedinstalěrowanym rozšyrjenim, kótarež namakajośo jano we wuwijarskej ediciji Firefox.
-
Koděrowanje na piksel
Póstajśo wjelikosći wobrazowki z naglědom pśiměrjonego webdesigna a optiměrujśo swój CSS we spěchu ze zatwarjonym stilowym editorom za koděrowanje na piksel.
Wšykne waše nejlubše wuwijarske rědy a wěcej
Wuwijarska edicija Firefox zjadnośujo standardne wuwijańske rědy z někotarymi mócnymi nowymi rědami, kótarež rozšyrjaju wašu zamóžnosć, z jadnogo městna na někotarych platformach źěłaś. To jo wšykno, což sćo nawucony, jano lěpše. A jano wót Firefox.
-
Rědy za wizuelne wobźěłowanje
Grajśo na boku z wokna Inspektora a wobźěłujśo animacije CSS a HTML wizuelnje. Pśeglědujśo wusměrjenje, wótměry a nutśkowny wótstawk kuždego elementa z pomocu lineala a měrjeńskimi rědami.
Zgóńśo wěcej wó rědach wizuelnego wobźěłowanja -
DevTools Challenger
Wužywajśo wizuelnu animaciju a wobźěłowańske rědy CSS wuwijarskeje edicije, aby dłymi oceana wuslěźił a z nejźiwnjejšymi stwórjenjami interagěrował.
Wopytajśo DevTools Challenger -
Wugbaśowe rědy
Analyzěrujśo wobrazowu frekwencu swójogo webwopśimjeśa, składowu pśetrjebu a JS-profil w zgromadnej casowej rědce, aby pomagał, wugbaśowe flašowe šyjki identificěrowaś a wótpóraś.
Zgóńśo wěcej wó wugbaśowych rědach -
Pśepytowak bokow
Analyzěrujśo HTML a CSS webboka a změńśo lažko strukturu a wugótowanje boka.
Dalšne informacije wó pśepytowanju bokow -
Webawdiowy editor
Pśeglědujśo a interagěrujśo z webawdiowym API w napšawdnem casu, aby zawěsćił, až wšykne awdiosuki su na tu wašnju zwězane, kótaruž wótcakujośo.
Dalšne informacije wó webawdiowem editorje -
Webkonsola
Wobglědajśo se protokolěrowane informacije, kótarež su z webbokom zwězane a wužywajśo webkonsolu, aby z webbokami interagěrował, kótarež wužywaju JavaScript.
Dalšne informacije wó webkonsoli -
Pytanje zmólkow JavaScript
Pśeglědujśo JavaScriptowy kod a analyěrzujśo abo změńśo jogo staw, aby pomagał, programěrowańske zmólki namakaś.
Dalšne informacije wó pytanju zmólkow JavaScript -
Seśowy monitor
Wobglědajśo se wšykne seśowe napšašowanja swójogo wobglědowaka, kak dłujko kužde napšašowanje trajo a drobnostki kuždego napšašowanja.
Dalšne informacije wó seśowem monitorje -
Stilowy editor
Woglědajśo se a wobźěłajśo CSS-stile, kótarež su z webbokom zwězane, napórajśo nowe a nałožujśo eksistěrujuce stilowe pśedłogi CSS na bok.
Dalšne informacije wó stilowem editorje -
Naglěd pśiměrjonego webdesigna
Woglědajśo se, kak wuglěda wašo websedło abo webnałoženje z rozdźělnymi wjelikosćami wobrazowki, bźez togo až musyśo wjelikosć wokna swójogo wobglědowaka změniś.
Dalšne informacije wó naglěźe pśiměrjonego webdesigna -
Valence
Wuwijajśo swóje nałoženja a pśepytujśo je za zmólkami w někotarych wobglědowakach a rědach z toś tym mócnym rozšyrjenim, kótarež jo we wuwijarskej ediciji Firefox pśedinstalěrowane.
Dalšne informacije wó Valence