Airbnb-ს მეშვეობით მასპინძლობის დაწყება თითქმის ყველგან მარტივია, განცხადების შექმნა კი ყოველთვის უფასოა. მთლიანი ბინები და სახლები, ცალკე ოთახები, სახლები ხეზე და ციხესიმაგრეები საკუთრებათა მხოლოდ ის მცირე ჩამონათვალია, რომელთა შესახებ განცხადებებიც მასპინძლებმა Airbnb-ზე გამოაქვეყნეს.

მასპინძლების მიმართ მოლოდინის შესახებ დამატებითი ინფორმაციისთვის გაეცანით Airbnb გაერთიანების სტანდარტებს, სადაც განმარტებულია უსაფრთხოების, დაცულობის, საიმედოობისა და სტუმართმოყვარეობის სტანდარტები. მათი დახმარებით მასპინძლები სტუმრებისგან საუკეთესო მიმოხილვებს იღებენ.

Airbnb-ს მეშვეობით მოგზაურობა რომ შეძლონ, ყველა მომხმარებელმა უნდა მოგვაწოდოს გარკვეული ინფორმაცია. დაჯავშნის მოთხოვნისთვის სტუმრებმა აღნიშნული ინფორმაცია სრულად უნდა მიუთითონ. ეს ინფორმაცია საჭიროა, რომ იცოდეთ, ვის ელოდოთ და როგორ დაუკავშირდეთ სტუმარს.

Airbnb სტუმრებს სთხოვს შემდეგს: • სახელი და გვარი • ელფოსტის მისამართი • ტელეფონის დადასტურებული ნომერი • გაცნობითი შეტყობინება • თქვენი სახლის წესებზე თანხმობა • ინფორმაცია გადახდის შესახებ

სტუმრებს ვთხოვთ, თუმცა არ ვავალდებულებთ, ჰქონდეთ პროფილის სურათი. ამას გარდა, თქვენი საცხოვრებლის დაჯავშნამდე შეგიძლიათ სტუმრებს მოსთხოვოთ პირადობის დამადასტურებელი დოკუმენტის წარმოდგენა.

Airbnb-ზე რეგისტრაცია და განცხადების გამოქვეყნება სრულიად უფასოა.

ჯავშნის მიღებისთანავე მისი ღირებულებიდან ჩამოგაჭრით Airbnb-ს მომსახურების გადასახადს მასპინძლებისთვის, რომელიც, როგორც წესი, შეადგენს 3%-ს და პლატფორმის მუშაობის უზრუნველყოფაში გვეხმარება.

Airbnb-ს 1 000 000$-იანი გარანტია მასპინძლებისთვის განკუთვნილია იმ იშვიათი შემთხვევებისთვის, როცა გირაო საკუთრების დაცულობისთვის არ არის შეტანილი ან მიყენებულ ზარალზე ნაკლებია.

გარანტია მასპინძლებისთვის არ ფარავს ნაღდ ფულსა და ფასიან ქაღალდებს, საკოლექციო ნივთებს, ხელოვნების იშვიათ ნიმუშებს, ძვირფას ნივთებს, შინაურ ცხოველებსა და პირად პასუხისმგებლობას. საცხოვრებლის გაქირავებისას მასპინძლებს ვურჩევთ, შეინახონ ან სახლში არ დატოვონ ფასეული ნივთები. პროგრამა, ასევე, არ ვრცელდება საკუთრების დაკარგვაზე ან ცვეთის გამო დაზიანებაზე.

ვრცლად მასპინძლებისთვის გარანტიის შესახებ: http://airbnb.com/guarantee

შეთავაზებული საცხოვრებლის ფასს თავად აწესებთ. გადაწყვეტილების მიღებისას საბაზრო ფასებზე წარმოდგენის შესაქმნელად შეგიძლიათ მოიძიოთ მსგავსი განცხადებები თქვენს ქალაქსა თუ უბანში. დამატებითი გადასახადები > — დასუფთავების გადასახადი: დასუფთავების გადასახადი შეგიძლიათ შეიტანოთ ერთი ღამის ფასში ან გამოყოთ ცალკე ფასის პარამეტრებიდან. > — სხვა გადასახადები: ჯავშნის დადასტურებამდე სტუმრები უნდა გააფრთხილოთ ნებისმიერი დამატებითი გადასახადის შესახებ (მაგალითად, გვიანი დაბინავების ან შინაური ცხოველის გადასახადზე). დამატებითი თანხის მოთხოვნა პრობლემების მოგვარების ცენტრიდან შეგიძლიათ.

Airbnb-ს გონივრული ფასწარმოქმნის ხელსაწყოს მეშვეობით ფასები შეგიძლიათ დააწესოთ იმგვარად, რომ ისინი ავტომატურად აიწევს ან დაიწევს მსგავს განცხადებებზე მოთხოვნის ცვლილების მიხედვით.

ფასებს ყოველთვის თავად აკონტროლებთ — გონივრული ფასწარმოქმნა იყენებს თქვენ მიერ განსაზღვრულ პარამეტრებს. ცალკეული ღამეების ფასების კორექტირება კი ნებისმიერ დროს შეგიძლიათ.

გონივრული ფასწარმოქმნა ითვალისწინებს თქვენ მიერ შეთავაზებული საცხოვრებლის ტიპს, მდებარეობას, სეზონს, მოთხოვნასა და სხვა ფაქტორებს (მაგალითად, იმართება თუ არა რაიმე ღონისძიება ახლომახლო).