Leon
 |
||||||||||||||
 Panthera leo |
||||||||||||||
| Stato de conservasion | ||||||||||||||
|
||||||||||||||
| Clasificasion sientìfega | ||||||||||||||
|
||||||||||||||
| Nomenclatura binomiałe | ||||||||||||||
| Panthera leo Linnaeus, 1758 |
||||||||||||||
| Areale | ||||||||||||||
 |
El leon (dito anca lion) el xe na bestia de ła faméja dei Felidae, de l'órdene dei Carnìvori. El fa parte del xènare Panthera e defati el só nome latin l'è Panthera leo.
De 'sti tenpi se cata leuni selvàdeghi soło che in Àfrica e India, seben che na volta i fuse ben pi difuxi rivando anca in Europa e Axia: al dì de ancûo i è drio sparir par via de ła cacia de sfroxo e parché xe drio sparir el só anbiente naturałe.
I leuni i péxa fra i 150–250 kg mentre łe fémene (leonése) łe péxa fra i 120–150 kg. I deriva tuti da un progenitor de 55 000 ani fa e i vive in branco in xone a clima caldo.
El leon in libartà el vive in media 16 ani e, sendo carnìvoro, el magna bestie de tute łe sorte: antìłopi, gnu, xebre, bùfałi, oxełi e liévori.
El Leon de San Marco[canbia | canbia el còdexe]
 |
Par saverghene de pì, varda ła pajina Leòn de San Marco. |
Da sentenari de ani, el Leon el xe anca, in varie fórme e raprexentasion, el sìnboło de l'evangełista San Marco e donca de Venesia e de ła Serenìsima (e al jorno d'ancó el xe el sinboło de ła rejon del Vèneto), come che se pol védar anca su ła bandiera: par 'sto motivo qua ła bandiera vèneta ła vien ciamà comunemente "el Leon".
