မီဒီယာမှတ်ချက် ပြောခွင့်ရပုဂ္ဂိုလ်ရုံ ၂၀၂၄ ဖေဖော်ဝါရီ ၁ အောက်ဖော်ပြပါအကြောင်းအရာသည် ဥရောပသမဂ္ဂကိုယ်စား အဆင့်မြင့်ကိုယ်စားလှယ်၊ သြစတြေးလျ၊ ကနေဒါ၊ နယူးဇီလန်၊ နော်ဝေ၊ ကိုရီးယားသမ္မတနိုင်ငံ၊ ဆွစ်ဇာလန်၊ ယူနိုက်တက်ကင်းဒမ်းနှင့် အမေရိကန်ပြည်ထောင်စုတို့မှ နိုင်ငံခြားရေးဝန်ကြီးများ၏ မြန်မာနိုင်ငံတွင် စစ်အာဏာသိမ်းမှု သုံးနှစ်ပြည့်မြောက်ခြင်းအပေါ် ပူးတွဲထုတ်ပြန်ကြေညာချက်ဖြစ်ပါသည်။  လွန်ခဲ့သည့် သုံးနှစ်၊ ၂၀၂၁ခုနှစ် ဖေဖော်ဝါရီ ၁ တွင် မြန်မာစစ်တပ်သည် ဒီမိုကရေစီနည်းကျ ရွေးကောက်တင်မြှောက်ထားသည့် အစိုးရကို ဖယ်ရှားခဲ့ပြီး ဆယ်စုနှစ်တစ်ခုစာ တိုးတက်ပြောင်းလဲမှုကို ဆိတ်သုဉ်းစေခဲ့သည်။   စစ်အာဏာရှင်အဖွဲ့အစည်း၏ လက်အောက်တွင် လူထောင်ပေါင်းများစွာ ထောင်ချခံရခြင်း၊ ညှဉ်းပန်းနှိပ်စက်ခံရခြင်း၊ သတ်ဖြတ်ခံရခြင်းများနှင့်အတူ အရပ်သားပြည်သူများအပေါ် အကြမ်းဖက်မှုများ မြင့်မားလာခဲ့ပါသည်။ နေအိမ်၊ ကျောင်း၊ ကျန်းမာရေးစောင့်ရှောက်မှု ဆိုင်ရာအဆောက်အအုံများနှင့် ဝတ်ပြုကိုးကွယ်သောနေရာများအပါအဝင် အရပ်သားပြည်သူများ အသုံးပြုသည့် အခြေခံအဆောက်အအုံများကို ဖျက်ဆီးရန် လေကြောင်းတိုက်ခိုက်မှုများ၊ လက်နက်ကြီးဖြင့် …

သတင်းထုတ်ပြန်ချက် အမေရိကန်နိုင်ငံခြားရေးဝန်ကြီး အန်တိုနီ ဂျေ ဘလင်ကန် ၂၀၂၃ သြဂုတ် ၂၄ ရိုဟင်ဂျာလူမျိုးများကို လူမျိုးတုံးသတ်ဖြတ်မှု ခြောက်နှစ်ပြည့်ခြင်း   ရိုဟင်ဂျာလူမျိုးများကို လူမျိုးတုံးသတ်ဖြတ်မှု ခြောက်နှစ်ပြည့်မြောက်သည့် သြဂုတ် ၂၅ တွင် အမေရိကန်ပြည်ထောင်စုသည် သတ်ဖြတ်ခံခဲ့ရသူများနှင့် အသက်ရှင်ကျန်ရစ်သူများအားလုံးနှင့်အတူ ရပ်တည်ပြီး မြန်မာစစ်တပ်က ကျူးလွန်ခဲ့သည့် ကြမ်းကြုတ်ရက်စက်မှုများအတွက် တရားမျှတမှုကို ရှာဖွေရန်နှင့် တာဝန်ယူမှုတာဝန်ခံမှုရှိစေရန်အတွက် မိမိတို့၏ သံန္နိဋ္ဌာန်ကို ထပ်လောင်းအတည်ပြုအပ်ပါသည်။ ရိုဟင်ဂျာလူမျိုး တစ်သန်းနီးပါးအတွက် အကာအကွယ်နှင့် ခိုလှုံရန် နေရာချထားပေးသော ဘင်္ဂလားဒေ့ရှ်အစိုးရနှင့် ပြည်သူများနှင့် ရိုဟင်ဂျာလူမျိုး ဒုက္ခသည်များကို လက်ခံထားရှိသည့် ဒေသတွင်းမှအခြားနိုင်ငံများကို မိမိတို့ လေးလေးနက်နက်ကျေးဇူးတင်ရှိပါသည်။ အမေရိကန်ပြည်ထောင်စုသည် ၂၀၁၇ မှ စပြီး မြန်မာ၊ ဘင်္ဂလားဒေ့ရှ်နှင့် ဒေသတွင်းအခြားနေရာများတွင်ဖြစ်ပွားခဲ့သည့် အကြပ်အတည်း၏ သက်ရောက်မှုကို ခံခဲ့ရသည့်သူများအတွက် အကူအညီ …

ဆိုက်ကလုန်းမိုခါကြောင့် ပျက်စီးဆုံးရှုံးမှုအမြောက်အများရှိကြောင်းကို ကြားသိရသည်နှင့် ဤသို့ပျက်စီးဆုံးရှုံးမှုများနှင့်တွေ့ကြုံခဲ့ရသည့် မြန်မာပြည်သူများနှင့်အတူ မိမိတို့ ပူဆွေးသောကရောက်ရပြီး လူသားချင်းစာနာမှုဆိုင်ရာတုံ့ပြန်ဆောင်ရွက်ရေးအားထုတ်မှုများကို ပံ့ပိုးကူညီနိုင်ရန် အလျင်အမြန်ဆောင်ရွက်လျက်ရှိကြပါသည်။ ဆောင်ရွက်လျက်ရှိသည့် ကယ်ဆယ်ရေးလှုပ်ရှားမှုများကို ကူညီပံ့ပိုးရန် ကနဦးအနေဖြင့် အမေရိကန်ဒေါ်လာ ၂၀၀,၀၀၀ ကို အမေရိကန်နိုင်ငံတကာဖွံ့ဖြိုးရေးအေဂျင်စီ (USAID) မှတဆင့် အမေရိကန်ပြည်ထောင်စုက ပေးအပ်သွားပါမည်။  ဤ အသစ်ထပ်မံထောက်ပံ့မှုသည် ရခိုင်ပြည်နယ်နှင့် ချင်းပြည်နယ်တို့တွင် အပူတပြင်းလိုအပ်လျက်ရှိသည့် နားခိုစရာ၊ ရေရရှိရေး၊ ပတ်ဝန်းကျင်နှင့် တစ်ကိုယ်ရည်သန့်ရှင်းရေးအထောက်အကူပစ္စည်းများအတွက် ဖြစ်ပါသည်။ ဆိုက်ကလုန်းမိုခါ ကုန်းတွင်းပိုင်းသို့ မဝင်ရောက်မီ​ ရက်ပိုင်းအတွင်းကပင် အမေရိကန်အစိုးရ၏ မိတ်ဖက်များသည် အရေးပေါ်စားနပ်ရိက္ခာများ၊ အမိုးအကာပစ္စည်းများ၊ အဓိကကျသောကယ်ဆယ်ရေးပစ္စည်းများနှင့် ဆေးဝါးများကို ကြိုတင်နေရာရွှေ့ပြောင်းခြင်းအပါအဝင် လူသားချင်းစာနာမှုဆိုင်ရာတုံ့ပြန်ဆောင်ရွက်မှုလုပ်ငန်းစဉ်များကို အသင့်ပြင်ဆင်ထားခဲ့ကြပါသည်။ ထိခိုက်မှုနှင့် ဦးစားပေးလိုအပ်ချက်များကို သုံးသပ်နိုင်ရန်အတွက် အမေရိကန်အစိုးရသည် မြေပြင်မှ မိတ်ဖက်များနှင့်အတူ ပူးပေါင်းဆောင်ရွက်လျက်ရှိပါသည်။ ထောက်ပံ့မှုအများဆုံးလိုအပ်လျက်ရှိသည့် လူ့အသိုက်အဝန်းများသို့ လူသားချင်းစာနာမှုဆိုင်ရာအဖွဲ့အစည်းများ …

တာဝန်ထမ်းဆောင်မှုပြီးဆုံးပြီဖြစ်သည့် သံအမတ်ကြီး သောမတ်စ် အယ်လ် ဗိုက်ဒါမှ မြန်မာပြည်သူများထံသို့ သတင်းစကား  ၂၀၂၂ ဒီဇင်ဘာ ၁၇  ပြီးခဲ့တဲ့ ၂နှစ်တာကာလအတွင်းမှာ မြန်မာနိုင်ငံဆိုင်ရာ အမေရိကန်သံအမတ်အဖြစ်တာဝန်ထမ်းဆောင်ခဲ့ရတာကို တကယ်ပဲ​​ ဂုဏ်ယူမိပါတယ်။ အရင်တစ်ခေါက်က မြန်မာနိုင်ငံဟာ စစ်အာဏာရှင်လက်အောက်မှာရှိနေတုန်း တာဝန်ထမ်းဆောင်ခဲ့ပြီးတော့မှ မိသားစုနဲ့အတူ သံအမတ်အဖြစ် ပြန်ရောက်လာခဲ့ပြီး သမ္မတဦးဝင်းမြင့်နဲ့ ဒီမိုကရေစီနည်းကျရွေးကောက်တင်မြှောက်ထားတဲ့ အစိုးရကို ၂၀၂၁ ဇန်နဝါရီ ၁၉မှာ ကျွန်တော့်ရဲ့ သံအမတ်ခန့်အပ်လွှာကို ပေးအပ်နိုင်ခဲ့တာဟာ ဆုလာဘ်ကြီးတစ်ခုပါပဲ။ အဲ့ဒါပြီး သိပ်မကြာဘူး စစ်တပ်က အရပ်သားအစိုးရကို ဖြုတ်ချပြီး အကြမ်းဖက်မှုနဲ့ ဖိနှိပ်ချုပ်ခြယ်မှုလမ်းစဉ်ကို စတင်ခဲ့တာ ဒီနေ့အထိပါပဲ။ လွန်ခဲ့တဲ့ ဆယ်စုနှစ်တစ်ခုစာအတွင်းမှာ မြန်မာနိုင်ငံက ထူးထူးခြားခြား အောင်မြင်အောင် စွမ်းဆောင်နိုင်ခဲ့တာတွေလည်း ဆိတ်သုဉ်းပျောက်ကွယ်ခဲ့ရပါတယ်။ ဒီလိုအခြေအနေတွေက လူတိုင်းအတွက် ခက်ခဲတဲ့ အချိန်အခါပါပဲ။ ဒါပေမယ့် မြန်မာပြည်သူတွေရဲ့ …